31 de mayo de 2024
O Concello dotará a unha escola de Yoff-Dakar dunha biblioteca, en colaboración coa ONG Ecodesarrollo Gaia, adquirindo fondos bibliográficos e formando a 15 persoas nas tarefas de biblioteca
O Concello da Coruña emprende un proxecto de cooperación con Senegal a través das Bibliotecas Municipais co obxectivo de dotar dunha biblioteca á Escola Coruña, localizada en Yoff-Dakar. O proxecto, posto en marcha en colaboración coa ONG Ecodesarrollo Gaia, avanza na dinamización das Bibliotecas Municipais impulsada polo Goberno de Inés Rey, achegando novidosas liñas de traballo.
O Concello da Coruña porá a disposición da ONG dúas persoas traballadoras da Biblioteca Municipal da Sagrada Familia que se trasladarán a Dakar do 1 ao 16 de xuño con responsables da mesma. Unha vez alí, impartirán un curso formativo a 15 persoas durante 5 días en tarefas de bibliotecas, formando a persoal para o novo espazo cultural localizado na Escola Coruña en Dakar. Logo da formación, dúas persoas serán seleccionadas como bibliotecarias desta nova instalación.
Ademais, o equipo das Bibliotecas Municipais visitará bibliotecas de Dakar co obxectivo de establecer lazos de colaboración. Tamén adquirirán nas librerías e editoriais senegalesas libros para a colección da biblioteca da Escola Coruña e tarefas técnicas como organización, preparación e posta a punto dos fondos bibliográficos do espazo.
O concelleiro da Área de Fomento e Promoción da Cidade, Gonzalo Castro, sinalou destacou A Coruña como cidade acolledora e con perspectiva global, así como referencia en cultura. "A rede de Bibliotecas Municipais é un dos servizos máis queridos pola cidadanía e é un orgullo poder exportar ese modelo alá das nosas fronteiras" sinalou. Posteriormente, a colaboración terá continuidade desde A Coruña, dándolles soporte e asesoría ás persoas que desde alí se fagan cargo da biblioteca.
26 de junio de 2024
19 de junio de 2024
18 de junio de 2024
Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Opera, Safari y Microsoft Edge. Instalar ahora un navegador compatible