Luísa Villalta, escritora e violinista, é presentada como unha nena/muller que goza da rúa, da xente, do vento e moi especialmente do Faro. O seu "violino" estivo presente a través da música de Luca e dun violín que Chus lle presta á escola para esta celebración.

Ambas as escolas celebraron unha festa moi especial entre nenos e nenas e educadoras. As celebracións son motivo sempre de baile, xogo, e de relacións.

Unha homenaxe particular

A través deste vídeo o alumnado das escolas infantís de Monte Alto e Luís Seoane homenaxean a Luisa Villalta. O texto da canción é unha recompilación de versos dalgúns dos seus poemas, realizada pola escola e por Félix Arias. Estes poemas seleccionados cántanlle á cidade da Coruña, convidan a xogar co vento, a aproximarse ao Faro, a xogar cos espellos...