28 de octubre de 2024
Tamén se recordará a Leandro Carré Alvarellos e Ánxel Casal, fundadores da editorial Lar en novembro do 1924, hai un século
O Concello da Coruña levará a cabo este venres día 1 de novembro a tradicional ofrenda floral de Todos os Santos, no Cemiterio Municipal de Santo Amaro. Wenceslao Fernández Flórez foi a figura escollida polo Concello para a homenaxe coincidindo co 60 aniversario do seu falecemento. "Fernández Florez é unha das figuras que mellor explica a identidade coruñesa, cultivando as letras dende diferentes perspectivas, ben como xornalista ou novelista, regalándonos mesmo obras que pasaron á historia do cine español como 'O Bosque Animado'", explicou a alcaldesa, Inés Rey.
O Concello tamén lembrará a Ánxel Casal e a Leandro Carré Alvarellos, fundadores da editorial Lar no ano 1924 e que este mes de novembro cumpre 100 anos da súa fundación. "Leandro Carré e Ánxel Casal fundaron hai un século unha editorial considerada o primeiro proxecto moderno en clave galega, froito da traxectoria galeguista cultivada na nosa cidade en tertulias como A Cova Céltica", sinalou Rey. A rexedora destacou que a primeira publicación da editorial Lar, posteriormente editorial Nós, foi o título 'A miña muller', novela de Wenceslao Fernández Flórez: "É unha casualidade pero que precisamente mostra a tradición e historia coruñesa, con grandes ilustres que contribuíron a construir a nosa cultura". Ánxel Casal foi, ademais, alcalde de Santiago de Compostela e vítima do franquismo, represaliado e asasinado no 1936 polo réxime.
Inés Rey presidirá a cerimonia solemne que comezará, como cada ano, na Cruz dos Esquecidos, desta vez coa actuación de Coral Polifónica 'El Eco'. O percorrido rematará coa tradicional ofrenda no monumento aos Mártires pola Liberdade, en recordo a todas as vítimas do franquismo na Coruña.
22 de octubre de 2024
19 de octubre de 2024
15 de octubre de 2024
Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Opera, Safari y Microsoft Edge. Instalar ahora un navegador compatible