Concello da Coruña

O servizo de información e atención telefónica ao cidadán - Teléfono 010 - ten por misión ser a porta de acceso á satisfacción eficiente da demanda cidadá respecto da información sobre a cidade e os seus servizos, así como á realización de trámites municipais. polas diferentes canles ao seu alcance, coa vocación de que o modelo de atención desenvolvido sexa un referente na contorna pública.

Este servizo trata de avanzar na mellora das funcións municipais ofrecendo a posibilidade de realizar xestións sen necesidade de desprazamentos, con tres obxectivos estratéxicos:

• Conseguir unha Administración máis transparente, eficaz e próxima á cidadanía.
• Lograr un alto nivel de eficiencia na resolución das demandas que lle competen.
• Mellorar a calidade de vida da cidadanía.

Compono un equipo de traballo dinámico, cunha linguaxe clara e personalizada, disposto a facilitarlle información e trámites administrativos.

Chamada sen custo para as persoas usuarias

Se comproba que o seu operador de telefonía lle aplica algún cargo na súa facturación pola utilización deste servizo, diríxase a el para presentar a oportuna reclamación. O Concello é totalmente alleo a esa actuación.

Para maior información

• Real decreto 899/2009, do 22 de maio, polo que se aproba a carta de dereitos das persoas usuarias dos servizos de comunicacións electrónicas
• CNMC (Comisión Nacional dos Mercados e a Competencia)
• Se considera que o seu operador non está a cumprir adecuadamente pode presentar a correspondente reclamación

O 010 ten vocación de globalidade polo que o descoñecemento da resposta dunha solicitude de información cidadá dará lugar a un proceso de procura para resolver a dúbida.

Información xeral sobre:

• Organización política e administrativa do Concello da Coruña
• Procedementos e trámites municipais
• Oferta de emprego público municipal
• Directorio municipal postal e telefónico
• Temas xestionados por outras administracións
• Axenda da Coruña que inclúe a actualidade da cidade: actos institucionais, exposicións, actos deportivos, cinema, congresos, xornadas, cursos, feiras, teatro, espectáculos, festas, conferencias, concertos...
• Direccións de interese: asociacións, administracións, colexios, fundacións, galerías de arte, museos, bibliotecas...
• Rueiro da cidade e liñas de transporte público
• Contido da web municipal e doutras administracións

Trámites municipais:

• Recepción telefónica de incidencias na vía pública
• Recollida de voluminosos - mobles usados -
• Duplicados de recibos tributarios en recadación voluntaria
• Trámites en liña dispoñibles na web municipal