A QUEN VAN DIRIXIDAS?

Poderán acceder a estas prazas as persoas que o desexen, sexan ou non alumnos/as das EDM.

Establécese o límite de dúas prazas por persoa nas EDM, de tal forma que se xa se alcanzou este límite non se poderá matricular en ningunha das prazas vacantes.

Pode consultar as prazas dispoñibles a continuación ou no documento adxunto ao pé da páxina, actualizadas a 4 de febreiro de 2022, a cal será a última actualización e o prazo de matrícula rematará o 11 de febreiro de 2022:

Pode descargar os documentos de formalización da matrícula, así como a autorización de recollida de menores, de ser necesario, ao pé de páxina. Prégase máxima puntualidade. Non se atenderá a ningunha persoa antes nin depois da hora da súa cita.A matrícula formalizarase nalgún dos rexistros de Deportes (C.D. Riazor, C.D. Torre ou Polideportivo do Barrio das Flores). Para acudir a estes rexistros, será necesario concertar cita previa, a través da páxina web (cita previa) ou no teléfono de atención cidadá 010. Deberá solicitarse unha cita por cada matrícula que se vaia realizar, de tal xeito que se unha mesma persoa vai facer máis dunha matrícula (para si mesma e outras persoas), concertará tantas citas como matrículas (Na web de cita previa haberá de seleccionarse o trámite "Presentar calquera solicitude destinada a deportes"). 

Documentación que debe acompañar a folla de matrícula:

• Menores de 14 anos: Fotocopias do DNI (de non telo, do Libro de Familia) e do DNI do pai/nai.
• A partir de 14 anos e ata os 18: Fotocopias do DNI e do DNI dos proxenitores.
• Alumnado suxeito a tutela, con independencia da idade: fotocopia do DNI, se o tivese e, ademais, do documento legal que a acredite e do DNI do titor/a.
• Maiores de 18 anos: Fotocopia do DNI.

Ademais, no caso de menores de idade, acompañarase, de ser o caso, o documento de autorización de recollida de menores (Adxunto ao pé da páxina).