O dereito á participación está recollido na Constitución Española de 1978. No caso concreto dos municipios, o dereito de participación faise máis factible por tratarse dunha Administración cunha relación máis próxima á cidadanía.

A cidadanía debe participar activamente na xestión municipal, contribuíndo ao presente e futuro da cidade, o que xa viña facendo a través da acción voluntaria, promovendo a solidariedade entre a vecinanza coruñesa e un concepto de cidadanía activa, e converterse en protagonista e axente de cambio social.

O dereito de participación pódese facer efectivo a través de varios mecanismos e no ámbito deportivo a creación do Consello Municipal de Deportes constitúe un paso importante para facer efectiva a participación dos veciños e das veciñas da Coruña na vida pública local.