• Os cursos son financiados conxuntamente pola Consellería de Traballo a través da Dirección Xeral de Formación e Colocación e o Fondo Social Europeo.

  Os grupos son de 15 alumnos/as, e impártense no Centro Municipal de Emprego dos Rosales ou nas instalacións do recinto de Bombeiros do Polígono da Grela. 

• Requisito mínimo: Estar en situación de desemprego e inscrito/a en calquera das oficinas do Servizo Público de Emprego.

• A solicitude dos cursos deberase realizar en calquera das oficinas do Servizo Público de Emprego. Despois dunha preselección do alumnado (sondaxes do Servizo Público de Emprego) realízanse probas e/ou entrevistas nas instalacións do Centro Municipal de Emprego. 

• A orientación e o apoio á inserción facilitan a incorporación ao mercado de traballo.

• O diploma acreditativo. Unha vez rematado o curso, o alumnado que o finalizase satisfactoriamente e asistise polo menos ao 75% do seu desenvolvemento, recibirá un diploma no que figura o programa do curso, número de horas, módulos transversais etc.

• Información e publicidade: Consellería de Traballo (Dirección Xeral de Formación e Colocación), a nosa páxina web, oficinas de Emprego e medios de comunicación. 

• Financiamento: Fondo Social Europeo, Xunta de Galicia (Consellería de Traballo, Dirección Xeral de Formación e Colocación) e Concello da Coruña.

Estas accións formativas complementan a oferta de formación que ofrece anualmente no Concello da Coruña.