Titularidade:

• Servizo Público de Emprego de Galicia. Consellería de Traballo.
• A tramitación da prestación de desemprego realizarase na Oficina de Emprego. O persoal que o/a atenderá depende do Instituto Nacional de Emprego (INEM) pertencente ao Ministerio de Traballo e Inmigración.

Datos de interese:

• Esta oficina comprende os códigos postais: 15006, 15008, 15009 e os concellos de Cerceda, Culleredo, Carral, Cambre, Oleiros e Sada.

As oficinas de emprego son os puntos de atención que pon a disposición de traballadores e empresarios o Servizo Público de Emprego de Galicia.

Presta servizos en dúas áreas:

• Intermediación laboral: ofrécelles atención personalizada ás persoas en situación de desemprego ou traballadores que queiran mellorar as súas condicións laborais, realizando tarefas de intermediación laboral, e aos empresarios ser atendidos da forma máis adecuada para atopar os traballadores co perfil máis axeitado para cubrir os postos de traballo que oferte.
• Orientación laboral: mediante este servizo son informados os demandantes de emprego sobre o seu potencial laboral, ofrecéndolles un abano de ofertas formativas para facilitar a súa inserción no mundo laboral: Escolas taller, Casas de oficios, Talleres de emprego, Formación ocupacional e continua, Programas de promoción de emprego e Rede Eures.

Requisitos necesarios para as solicitudes:

• Presentar un certificado de empresa.
• Cubrir uns impresos que se recollen nas oficinas do INEM.
• Presentar os TC-2 dos últimos 6 meses.
• As 2 últimas nóminas.

Cotización:

• Mínimo: 12 meses de cotización dá lugar a unha prestación de 4 meses de paro.
• Máximo: 6 anos de cotización dá lugar a 2 anos de paro.