O Aquarium Finisterrae é un centro público de ciencia dedicado á educación ambiental e a divulgación científica de temas mariños.

O terceiro dos Museos Científicos Coruñeses ten por obxectivo promover o coñecemento do océano e educar actitudes de agarimo cara ao mar e a vida mariña. Inaugurouno o Concello da Coruña o 5 de xuño de 1999.

O Aquarium Finisterrae conta con catro salas de exposicións, cada unha con personalidade propia, e unha colección biolóxica composta por máis de trescentas especies diferentes.

EXPOSICIÓNS

> SALA ISABEL CASTELO

Está dedicada a exposicións temporais con sorprendentes imaxes de natureza e medio ambiente. O seu contido renóvase varias veces ao ano.

> SALA MAREMAGNUM

É o núcleo educativo do Aquarium. Ademais de grandes acuarios, contén a OceanoSfera e decenas de elementos museísticos que propoñen experiencias interactivas.

> SALA HUMBOLDT

Dedicada a grandes exposicións temporais monográficas. O seu contido renóvase con periodicidade.

Actualmente esta sala presenta «Sexo azul», unha exposición interactiva que trata sobre a reprodución sexual dos seres vivos que viven na auga. Está formada por vinte módulos que conteñen seres vivos, pezas de museo, modelos, pantallas táctiles, xogos, aparellos interactivos e ilustracións.

> CORREDOR LÓPEZ SEOANE

Este pequeno espazo de tránsito dedícase a exposicións fotográficas sobre historia natural cuxo contido cambia periodicamente. É un lugar onde mostrar a enorme diversidade de curiosidades que caracterizan a natureza que nos arrodea.

ESPAZOS SINGULARES

> SALA NAUTILUS

É a sala máis espectacular do Aquarium Finisterrae. Deseñouse para ofrecer unha experiencia emocional única. Está mergullada nunha gran piscina de cinco millóns de litros de capacidade e a súa decoración lembra á do gabinete do capitán Nemo a bordo do submarino Nautilus. Ao redor da sala nadan os peixes de maior tamaño do acuario, como as quenllas, corvinas, seriolas, douradas, robalizas e chernas. Tamén hai cardumes de xardas e xurelos. Periodicamente, en sincronía cunha música composta especificamente para esta sala por Luís Delgado, ilumínase a zona central, que alberga unha colección de diversos obxectos antigos relacionados co mar.

> TERRAZAS EXTERIORES

Completan a oferta museográfica do Aquarium. Nelas exponse a áncora do buque petroleiro Mar Exeo, que o 3 de decembro de 1992 encallou fronte á Torre de Hércules provocando unha marea negra. Tamén inclúe a piscina intermareal, un enorme espazo influenciado polas mareas onde se poden observan aves do litoral (rabirrubios, gaivotas, virapedras, pilros) e o Piscinarium, outra piscina de gran volume onde se atopan un grupo de focas da especie Phoca vitulina.

ACTIVIDADES

Actividades e talleres das que poden gozar as persoas que visitan o Aquarium Finisterrae.

• Alimentación no Nautilus. Os visitantes poden observar a alimentación dos habitantes do Nautilus, entre os que se inclúen diferentes especies de quenllas coma a touro e os cazóns. Todos os luns, mércores e venres ás 11.30 h.
• Alimentación de focas. Unha actividade na que o público pode contemplar a rutina da alimentación das focas do Aquarium a cargo dos seus coidadores. Todos os días ás 12.00 e ás 17.00 h.
• Monólogos no Aquarium. Charlas breves, duns 10 minutos, sobre a bioloxía e curiosidades dalgunhas das especies máis populares do Aquarium (polbos, cabaliños de mar, medusas...), ofrecidas polo persoal de atención ao público. Sábados e domingos ás 18.00 horas.

Estas actividades non teñen un custo adicional, están incluídas no prezo da entrada que cada persoa deba aboar para visitar o Aquarium Finisterrae.

HORARIO

> INVERNO (xaneiro e febreiro)

Luns a venres: 10.00 h a 18.00 h*

Sábados, domingos e festivos: 11.00 h a 19:00 h*

*O acceso péchase unha hora antes.

1 e 6 de xaneiro: pechado.

> PRIMAVERA (marzo a xuño)

Luns a domingo: 10.00 h a 19:00 h*

*O acceso péchase unha hora antes

> VERÁN (xullo e agosto)

Luns a domingo: 10.00 h a 20.00 h*

*O acceso péchase unha hora antes

> OUTONO (setembro a decembro)

Luns a domingo: 10.00 h a 19.00 h*

*O acceso péchase unha hora antes

24 de decembro: 10.00 h a 14.00 h

25 de decembro: pechado.

31 de decembro: 10.00 h a 14:00 h

ENTRADAS

>> As entradas adquírense na recepción do Aquarium Finisterrae, agás os días de entrada gratuíta, que require de reserva en liña cun máximo de 3 días de antelación (ver máis abaixo os días gratuítos)

Se queres comprar entradas con antelación, podes facelo aquí. Nestes momentos só se poden comprar entradas de tarifa xeral. As entradas de tarifa reducida, gratuíta, Bono 3 Casas e Tarxetas Vente deben comprarse na recepción do museo.

> Xeral: 10 euros

> Reducida*: 4 euros

*Menores de 16 anos; maiores de 65; persoas desempregadas, tras a presentación de documento acreditativo; Carné Xove, carné de estudante e membros de familias numerosas, tras a presentación de documento acreditativo.

> Gratis

• 7 de febreiro de 2026. Feira de Ciencia Isabel Zendal. (con reserva previa de entradas en liña, cun máximo de 3 días de antelación)
• Festivos locais do Concello da Coruña. 17 de febreiro e 7 de outubro de 2026 (con reserva previa de entradas en liña, cun máximo de 3 días de antelación)
• Día da Ciencia na Rúa. 9 de maio de 2026 (con reserva previa de entradas en liña, cun máximo de 3 días de antelación)
• Semana da Ciencia. Do 7 ao 15 de novembro de 2026 (con reserva previa de entradas en liña, cun máximo de 3 días de antelación)
• Persoas con discapacidade
• Menores de 4 anos
• Guías turísticos no desenvolvemento das súas tarefas, tras a presentación de carné acreditativo
• Persoal docente, debidamente acreditado (carné profesional ou certificado da dirección do centro)
• Estudantes da Universidade da Coruña, tras a presentación de carné acreditativo
• Xornalistas, debidamente acreditados
• Membros da Asociación de Amigos da Casa das Ciencias
• Membros da Asociación Española de Museólogos e da Federación Española de Amigos dos Museos
• Membros do International Council of Museums que presenten acreditación oficial correspondente

> Bono Tres Casas: 12 euros

> Tarxeta Vente: 20 euros

> Tarxeta Vente Mini*: 10 euros

*Menores de 16 anos e maiores de 65.

• Bono tres casas: permite o acceso ás salas de exposicións da Casa das Ciencias, Domus e Aquarium Finisterrae (só un acceso por museo); é necesario conservar o bono en perfecto estado. Debe adquirirse na recepción da Casa das Ciencias, da Domus ou do Aquarium Finisterrae.
• Tarxetas Vente e Vente Mini: son nominativas, permiten o acceso ás salas de exposicións da Casa das Ciencias, Domus e Aquarium Finisterrae durante un ano natural contado desde a data de emisión (sen límite de accesos) e será necesario presentar o DNI cada vez que se utilicen. Á venda na recepción dos tres museos.

VISITAS ESCOLARES

Se queres visitarnos cun grupo escolar, consulta toda a información aquí.