Descubre o firmamento que poderás ver desde a túa casa, se a luz artificial e as nubes non o impiden.
Os nosos pobos e cidades aínda están demasiado iluminados pola noite, pero se as túas xanelas teñen un horizonte despexado e podes evitar a luz directa dos farois, é o momento de aproveitar as horas tras a posta de Sol (ou as do amencer, se prefires madrugar) para gozar do que nos ofrece o firmamento estes días.
En abril teremos Lúa chea o día 8, e como coincidirá nun punto da súa órbita bastante próximo á Terra, gozaremos dun plenilunio espectacular. Con todo, non serán os mellores días para lle facer fotos á Lúa ou contemplala con prismáticos, xa que os detalles máis interesantes sempre os atopamos no terminador, a división entre a parte iluminada e a parte en sombra do noso satélite.
Planetas
Á primeira hora da noite, Venus é o único planeta á vista, xusto encima das luces do atardecer. Se esperamos ata media noite, e podemos mirar en dirección contraria, veremos saír, por esta orde, a Júpiter, Marte e Saturno, moi xuntos nesta época do ano.
Choiva de estrelas
Como case todos os meses, abril tamén ten a súa propia choiva de estrelas fugaces, neste caso a das Líridas, que parecen xurdir da constelación da Lira. Esta corrente de meteoros ten o seu máximo os días 22 e 23, así que, se vives nun lugar relativamente escuro, seguro que podes chegar a ver algunha. Se é así, non te esquezas de pedir un desexo.
29 de xuño de 2024
Do 1 de xullo ao 31 de agosto a Casa das Ciencias, a Domus e o Aquarium Finisterrae abrirán de 10.00 h a 20.00 h, con último acceso ás 19.00 h no Aquarium e ás 19.30 h na Casa das Ciencias e Domus.
30 de maio de 2024
A estrea terá lugar o venres 31 de maio ás 18.00 horas, e incorpórase á carteleira para partir do sábado 1 de xuño.
29 de maio de 2024
O 5 de xuño presentarase un selo conmemorativo e unha exposición filatélica sobre temas mariños. O sábado 8 de xuño realizarase unha xornada de portas abertas, con reserva previa de entradas.
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible