Durante o confinamento a reciclaxe de envases de plástico, brik e metal incrementouse en España nun 15%
O 22 de abril celébrase o Día Internacional da Terra Nai, como un recoñecemento á necesidade de concienciar sobre a importancia de coñecer e protexer o planeta e a todas e todos os seus habitantes. Compartimos co resto dos seres vivos un lugar que nos proporciona todo o que necesitamos, pero é preciso buscar un equilibrio entre o uso dos recursos e a conservación do medio ambiente para garantir o sustento das xeracións futuras.
Reducir a contaminación por plásticos é un dos maiores desafíos ambientais sobre os que se centraron os esforzos nos últimos anos. O lixo plástico ten o seu impacto máis sensible sobre o medio mariño e as especies que o habitan; pero tamén, algúns dos compostos que conteñen os plásticos poden afectar o funcionamento das hormonas nos seres humanos e outros animais.
O noso estilo de vida actual xera unha gran cantidade de lixo plástico, derivada, entre outras cousas, de numerosos obxectos desbotables, como botellas, bastonciños de algodón, cueiros, envases de alimentos e outros produtos domésticos. Cada ano úsanse en todo o mundo arredor de 500.000 millóns de bolsas de plástico e cómpranse 1 millón de botellas deste material por minuto, por achegar algúns números. A poboación pode contribuír a reducir este tipo de residuos con accións como consumir menos, reutilizar e reciclar.
Desde o comezo do confinamento pola pandemia do coronavirus a reciclaxe de envases de plástico, brik e metal incrementouse en España nun 15%, de acordo cos datos facilitados pola organización para a reciclaxe Ecoembes. Este feito poderíase atribuír a un aumento do consumo no fogar e por tanto dos residuos domésticos, pero tamén a un incremento da concienciación da poboación sobre a necesidade de reciclar.
Poderías reducir o uso dalgúns dos obxectos de plástico máis habituais nas nosas vidas? Avalía o teu consumo con esta ferramenta en liña.
29 de xuño de 2024
Do 1 de xullo ao 31 de agosto a Casa das Ciencias, a Domus e o Aquarium Finisterrae abrirán de 10.00 h a 20.00 h, con último acceso ás 19.00 h no Aquarium e ás 19.30 h na Casa das Ciencias e Domus.
30 de maio de 2024
A estrea terá lugar o venres 31 de maio ás 18.00 horas, e incorpórase á carteleira para partir do sábado 1 de xuño.
29 de maio de 2024
O 5 de xuño presentarase un selo conmemorativo e unha exposición filatélica sobre temas mariños. O sábado 8 de xuño realizarase unha xornada de portas abertas, con reserva previa de entradas.
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible