Os cometas serán os protagonistas do firmamento
Este mes de maio, por unhas ou outras razóns, os cometas serán os protagonistas do ceo nocturno. Por unha banda, o cometa Atlas irá crecendo en brillo a medida que avanza o mes, e aínda que a evolución dun cometa sempre é moi imprevisible, todo indica que chegará a verse a primeira ollada. Poderémolo atopar sobre as luces do atardecer antes do seu máximo achegamento á Terra, o día 23. Tede en conta que dicimos «achegar» en termos astronómicos, porque nese momento o cometa estará a máis de cen millóns de quilómetros de nós.
Tamén relacionada cun cometa, neste caso o Halley, temos a choiva de estrelas fugaces das Eta Acuáridas, que teñen o seu pico o 6 de maio. Con todo, este ano non vai ser especialmente bo para esta corrente de meteoros, porque a presenza dunha lúa case chea impedirá ver a maior parte deles.
A situación dos planetas é semellante á que vivimos no mes de abril. Ata mediados de maio, Venus seguirá dominando o crepúsculo ao comezo da noite, mentres Júpiter, Saturno e Marte irán saíndo polo leste nesa orde ata a chegada do novo día.
29 de xuño de 2024
Do 1 de xullo ao 31 de agosto a Casa das Ciencias, a Domus e o Aquarium Finisterrae abrirán de 10.00 h a 20.00 h, con último acceso ás 19.00 h no Aquarium e ás 19.30 h na Casa das Ciencias e Domus.
30 de maio de 2024
A estrea terá lugar o venres 31 de maio ás 18.00 horas, e incorpórase á carteleira para partir do sábado 1 de xuño.
29 de maio de 2024
O 5 de xuño presentarase un selo conmemorativo e unha exposición filatélica sobre temas mariños. O sábado 8 de xuño realizarase unha xornada de portas abertas, con reserva previa de entradas.
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible