21 de decembro de 2023
Poderase ver dende o venres 22 de decembro ata o domingo 7 de xaneiro ás 17.00 horas. Despois desa data incorporarase á carteleira do Planetario as fins de semana.
A Casa das Ciencias estrea o programa infantil de planetario a toda cúpula "Hazelnuts, en busca del planeta perfecto", pensado para nenas e nenos de 4 a 7 anos. A historia relata como dous esquíos, Nino e Lilli, farían calquera cousa por conseguir abelás (hazelnuts en inglés), e máis aínda por conseguir superabelás, que é o que cren que haberá nos brillantes planetas que poden ver todas as noites, así que se embarcan nunha aventura para intentar alcanzalos. Unha procura chea de diversión e aventuras para goce das e dos visitantes máis pequenos da Casa das Ciencias.
Xunto con Nino e a súa irmá Lilli tamén estará Leo, un bufo cariñoso e paciente, que será a voz da sabedoría nesta historia. Ao longo da película preséntanse varias ideas sobre as condicións de vida noutros planetas do sistema solar, o que levará os esquíos a comprender que poden resultar realmente hostís para os seres humanos, e que a natureza da Terra é fráxil e debemos coidala.
Unha produción de Mediastro Promotion e 3D émotion.
Programación de Nadal
> Do 22 ao 31 de decembro
11.30 h: Polaris (galego, > 7 anos)
13.00 h: La noche es necesaria (castelán, > 10 anos)
17.00 h: Hazelnuts, en busca del planeta perfecto (castelán, de 4 a 7 anos)
18.00 h: Programa especial sobre a Vía Láctea (cast/gal, > 10 anos)
Pechado o luns 25 de decembro
Os domingos 24 e 31 de decembro péchase ás 14.00 h
> Do 2 ao 7 de xaneiro
11.30 h: Polaris (galego, > 7 anos)
13.00 h: Programa especial sobre a Vía Láctea (cast/gale, > 10 anos)
17.00 h: Hazelnuts, en busca do planeta perfecto (castelán, de 4 a 7 anos)
Pechado o sábado 6 de xaneiro
Casa das Ciencias. Parque de Santa Margarita s/n. 15005 A Coruña
29 de xuño de 2024
Do 1 de xullo ao 31 de agosto a Casa das Ciencias, a Domus e o Aquarium Finisterrae abrirán de 10 h a 20 h, con último acceso ás 19 h no Aquarium e ás 19.30 h na Casa das Ciencias e Domus.
30 de maio de 2024
A estrea terá lugar o venres 31 de maio ás 18.00 horas, e incorpórase á carteleira para partir do sábado 1 de xuño.
29 de maio de 2024
O 5 de xuño presentarase un selo conmemorativo e unha exposición filatélica sobre temas mariños. O sábado 8 de xuño realizarase unha xornada de portas abertas, con reserva previa de entradas.
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible