8 de setembro de 2023
Os catro andares de exposicións interactivos do museo permanecerán abertos, en horario de 10.00 a 19.00 horas de luns a domingo.
A partir do luns 11 de setembro o planetario da Casa das Ciencias permanecerá pechado durante tres semanas debido á renovación do seu sistema de proxección dixital que cumpre agora 14 anos desde a súa instalación. O novo sistema aproveitará a mellora na potencia dos computadores e as tecnoloxías de proxección para ofrecer unha experiencia inmersiva de calidade moi superior á do sistema que se substitúe.
Durante a instalación destes equipos, o resto do museo pódese visitar con normalidade todos os días en horario de 10.00 a 19.00 h, aínda que o acceso péchase ás 18.30 h.
O novo sistema contará con proxectores de tecnoloxía LED e o software Digistar 7, desenvolvido pola empresa Evans&Sutherland, o que proporcionará unha experiencia con maior resolución e imaxes máis reais para trasladarnos a outros planetas ou viaxar pola Vía Láctea e o resto do universo.
A renovación non supón perder o emblemático proxector analóxico de estrelas Zeiss, que convivirá co novo sistema e que chegará a complementalo nalgunhas sesións.
Estrea por escolares
As primeiras persoas que estrearán o renovado planetario serán os e as escolares do curso 2023/24, un público que o curso anterior superou a cifra de 30.000 persoas e que a partir de outubro descubrirán a noite estrelada como nunca ata agora.
Casa das Ciencias. Parque de Santa Margarita s/n. 15005 A Coruña
29 de xuño de 2024
Do 1 de xullo ao 31 de agosto a Casa das Ciencias, a Domus e o Aquarium Finisterrae abrirán de 10 h a 20 h, con último acceso ás 19 h no Aquarium e ás 19.30 h na Casa das Ciencias e Domus.
30 de maio de 2024
A estrea terá lugar o venres 31 de maio ás 18.00 horas, e incorpórase á carteleira para partir do sábado 1 de xuño.
29 de maio de 2024
O 5 de xuño presentarase un selo conmemorativo e unha exposición filatélica sobre temas mariños. O sábado 8 de xuño realizarase unha xornada de portas abertas, con reserva previa de entradas.
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible