- Inicio
- Detalle
SUBSPYME2024
Premios ás boas prácticas das PEMES por conciliación, corresponsabilidade e igualdade
Canles:
Telemático
Nivel de tramitacion electronica:
Tramitación electrónica
Tipo:
Axudas, becas e subvencións
Materia:
Sector público, Comercio
Órgano responsable:
Emprego, Empresa, Turismo, Porto, Mercados, Consumo
Vixente:
Si
Convocatoria de premios para o fomento no tecido empresarial do municipio como incentivo á posta en marcha de medidas de conciliación, corresponsabilidade e igualdade dentro das Pemes que se atopen radicadas no termo municipal da Coruña.
Premios ás boas prácticas das pemes por conciliación, corresponsabilidade e igualdade
Inscricións:
Dende o 23/09/2024 ata o 04/10/2024
Sobre o procedemento
A quen vai dirixido?:
PERSOAS BENEFICIARIAS, CANDIDATURAS:
-
Empresarios/as individuais, definidas para esta convocatoria como persoas físicas traballadoras autónomas que estean de alta no réxime especial de traballadores/as autónomos/as (RETA), en calquera outro réxime especial por conta propia da Seguridade Social ou en mutualidade de colexio profesional.
-
Micropemes, definidas para esta convocatoria como aquelas persoas xurídicas cuxo número medio de persoas traballadoras empregadas durante o exercicio inmediatamente anterior a esta convocatoria sexa inferior ou igual a 10.
-
Pemes, definidas para esta convocatoria como aquelas persoas xurídicas cuxo número medio de persoas traballadoras empregadas durante o exercicio inmediatamente anterior a esta convocatoria sexa maior que 10 ou igual ou inferior a 50.
No caso de persoas xurídicas, deberán estar inscritas no Rexistro Mercantil ou rexistro público correspondente con data anterior á data de finalización do prazo de presentación de candidaturas.
Non poderán optar aos premios entidades sen ánimo de lucro.
Requisitos:
Requisitos das persoas interesadas na candidatura a estes premios:
- Que radiquen no termo municipal da Coruña. En caso de desenvolver a súa actividade a través de establecemento permanente, que este se atope radicado no termo municipal da Coruña. No caso de que para o exercicio da actividade non se dispoña de establecemento permanente, que o seu domicilio fiscal estea dentro do termo municipal da Coruña.
- Que estean de alta no RETA ou en calquera outro réxime especial por conta propia da Seguridade Social ou mutualidade do colexio profesional correspondente e que sexan titulares dunha actividade económica e que teñan persoal contratado por conta allea na súa empresa.
- Que teñan xustificadas en prazo as subvencións anteriormente concedidas polo Concello da Coruña.
- Que se atopen ao corrente no cumprimento das obrigas tributarias coa AEAT, coa Seguridade Social e co Concello da Coruña.
- Que declaren non ter débedas e/ou salarios atrasados.
- Os demais contemplados na Lei xeral de subvencións e demais normas de aplicación.
Prezo / Custo:
Ningún
Órgano que resolve:
Titular da Concellería de Emprego, Comercio e Mercados
Normativas relacionadas
- Bases reguladoras dos premios ás boas prácticas das PEMES por conciliación, corresponsabilidade e igualdade, ano 2024
- Ordenanza de bases reguladoras xerais para concesión de subvencións
- Lei 9/2007, de 13 de xuño, de subvencións de Galicia.
- Lei 38/2003, do 17 de novembro, xeral de subvencións
- Lei 39/2015, do 1 de outubro, do procedemento administrativo común das administracións públicas
Presentación
Prazo de presentación:
Do 23/09/2024 ao 04/10/2024
Documentación necesaria:
-
ANEXO I (Solicitude de participación en Premios conciliación-igualdade en pemes)
-
ANEXO II (Memoria de participación en Premios conciliación-igualdade en pemes).
-
Outra documentación complementaria segundo o indicado nas bases
Canles de presentación
Presencial
Que se necesita?:
- Procedemento de tramitación telemática obrigatoria
Internet
Que se necesita?:
- Deberá dispoñer de certificado dixital.
- Unha vez cuberta a solicitude telemática debe ter preparados os ficheiros que necesite para xustificar a subvención que solicita, segundo se especifica no apartado "Documentación necesaria".
- No proceso de presentación solicitaráselle que asine dixitalmente a documentación presentada (deberá dispoñer de Autofirma no seu equipo), polo que non é recomendable asinar previamente a solicitude ou outros documentos.
Como se fai?:
- A través desta Sede Electrónica municipal.
En aplicación do artigo 14.2 da Lei 39/2015, de procedemento administrativo común, teñen a obriga de realizar este trámite a través da Sede Electrónica:
a) As persoas xurídicas.
b) As entidades sen personalidade xurídica (asociacións, sociedades civís, comunidades de propietarios etc.).
c) Quen exerza unha actividade profesional para a que se requira colexiación obrigatoria, para os trámites e actuacións que realicen coas administracións públicas en exercicio da dita actividade profesional. En todo caso, dentro deste colectivo entenderanse incluídos os notarios e rexistradores da propiedade e mercantís.
d) Quen represente a un interesado que estea obrigado a relacionarse electronicamente coa Administración.
Páxina web:
Teléfono
Despois
Prazo de resolución:
O prazo máximo de resolución será de nove (9) meses que se contarán dende o día da publicación da convocatoria no Boletín Oficial da Provincia de acordo co artigo 23.4 da Lei 9/2007, do 13 de xuño, de subvencións de Galicia.
Sentido do silencio administrativo:
Desestimatorio
E despois?:
No caso de que sexan detectadas deficiencias na documentación presentada, realizaráselle un requirimento á persoa solicitante para a súa corrección, a través da Sede electrónica do Concello da Coruña. Dispoñerá de 10 días naturais para aceptar a notificación e de 10 días hábiles dende a aceptación para corrixir as deficiencias requiridas. No caso de non emendar nese prazo, considérase desistida a candidatura. No suposto excepcional de que as empresas gañadoras renunciasen ao premio, a candidatura seguinte por orde de puntuación pasará a ocupar o seu lugar, e así sucesivamente.
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible