- Inicio
- Prestacións
- Detalle Prestaciones Sociales
Servizo de Axuda a Domicilio - SAD Dependencia
Conxunto de atencións domiciliarias, dirixidas a persoas en situación de dependencia recoñecida, co fin de atender as necesidades básicas da vida diaria e incrementar a súa autonomía, posibilitando a permanencia no domicilio.
A quen vai dirixido?:
Organiza:
O servizo estará prestado por algunha da entidades prestadoras de servizos sociais ás que se lles adxudique contrato mediante concurso público.
Requisitos:
Residir no Municipio da Coruña. Estar recoñecida como persoa dependente e titular dun Programa individual de atención (PIA) no que se recoñeza o dereito ao acceso ao Servizo de Axuda a Domicilio Dependencia.
Prazo de presentación:
Durante todo o ano.
Remuneración / Dotación:
É unha prestación de servizos domiciliarios por un/a Auxiliar de Axuda a domicilio. A tarefas estableceranse no proxecto de intervención unha vez acordadas coa persoa dependente e/ou familia e que se centrarán en atencións de carácter persoal e doméstico, encamiñadas a atender as necesidades básicas da vida diaria e incrementar a súa autonomía.
A temporalidade do servizo estará fixada no PIA (Proxecto Individual de Atención) que establecese a Xunta de Galicia en función do Grao de Dependencia recoñecido.
Existen dúas modalidades:
SAD Dependencia: dirixido a persoas con recoñecemento a través do Sistema de Autonomía e Atención á Dependencia de Galicia (S.A.A.D.) cuxo Programa Individual de Atención (PIA) establece a prestación de Axuda a Domicilio.
SAD Dependencia/Respiro: igual modalidade que o anterior mais con menor intensidade horaria (tamén establecida no PIA) xa que está orientado a proporcionar un apoio de respiro á familia e/ou persoa coidadora.
Máis información:
A esta prestación soamente poderase acceder despois da resolución do grao de dependencia e a asignación deste recurso polo Sistema de atención á dependencia e promoción da autonomía persoal.
Programa ao que pertence
Prestacións relacionadas
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible