Actualizado: 24/08/2012

Documento aprobado provisionalmente polo pleno extraordinario de 6 de agosto de 2012, que se remitiu á Consellería de Medio Ambiente, Territorio e Infraestruturas da Xunta de Galicia para a súa aprobación definitiva, se procede.

A anterior documentación publícase, de forma gratuíta, en cumprimento do artigo 100 da Lei 9/02 de Ordenación urbanística e protección do medio rural de Galicia, no que se sinala que "os instrumentos de ordenación urbana, con todos os seus documentos, tanto se se atopan aprobados como durante a súa tramitación, serán públicos e calquera persoa poderá, en todo momento, consultalos, obter copias dos mesmos previo pago do prezo correspondente e solicitar información sobre os mesmos no Concello".

A publicación non supón unha nova información pública do documento, polo que non abre un novo período de presentación de alegacións.

O Tomo I de alegacións e os nomes dos alegantes do Tomo II, suprimíronse da publicación web, en cumprimento da Lei orgánica 15/1999, de 13 de decembro, de protección de datos de carácter persoal.

A contestación individualizada a cada unha das alegacións presentadas durante o período de información pública do plan, será notificada tras a aprobación definitiva do documento pola Xunta, momento no que finaliza o procedemento administrativo (artigo 58, da Lei 30/92, de 26 de novembro, sobre Réxime Xurídico das Administracións Públicas e Procedemento administrativo común), producindo o efecto de permitir a presentación de recurso contencioso-administrativo contra a mencionada aprobación no caso de desconformidade coa mesma (artigo 85, apartado 11, da Lei 9/02, de 30 de decembro, de Ordenación urbanística e protección do medio rural de Galicia).