Emilia Pardo Bazán, ademais de novelista e dramaturga, foi pioneira en reivindicar o valor cultural da gastronomía española e publicou dous receitarios, "A cociña española antiga" e "A cociña española moderna" que serviron de inspiración para chefs de posteriores xeracións.

Manuel María Puga e Parga, da mesma xeración que Dona Emilia, foi alcalde da Coruña en dúas ocasións, no ano 1915 e 1917. Ademais de político era escritor, gastrónomo e considerado "mellor persoa" pola cidadanía. Escribiu obras de éxito como "A cociña popular galega e algunhas receitas para coresma", "Pote aldeán", "A cociña práctica", "36 maneiras de guisar o bacallau" e "Vixilia reservada". Na súa honra celebramos na Coruña o Concurso de Tapas Picadillo, certame máis antigo de Galicia.

Moitos son os que cada día traballan para labrar a boa fama que ten a gastronomía da Coruña, pero eles dous foron, sen dúbida, os que abriron camiño.