Correndo pola Torre

Podes aproveitar o momento para para facer un descanso e visitar estes museos científicos antes de retomar a carreira ata a Torre de Hércules, o faro romano en funcionamento máis antigo do mundo. Admira o coloso milenario desde distintos puntos de vista mentres reduces a velocidade.

Moitos corredores utilizan a rampla de subida ao monumento como final de etapa, pero se continuas con ganas de seguir gastando a sola das túas zapatillas, diríxeche cara ao Castelo de San Antón, sede do museo arqueolóxico, para gozar da outra cara da península herculina. Alí atoparás o dique de abrigo, cunha lonxitude de case 1.400 metros e que durante décadas converteuse nunha das pistas de adestramento máis transitadas polos visitantes. É o momento de que acompañes aos navíos que saen da súa atracada no Porto para saír a mar aberto. Sen saír do teu carril poderás admirar ese momento. Aconsellámosche que o fagas durante o ocaso, cando o sol despídese da baía herculina.

Se es un verdadeiro profesional e estás a costumbrado a bater marcas, probarás sen dúbida a ruta que rodea por completo a península, desde Oza ata a praia de Bens. Un percorrido de preto de 20 quilómetros, un media maratón como as que disputan os profesionais habitualmente na nosa cidade.

Rutas curtas, verdes e sustentables

Outro dos encantos da cidade son as súas extensas zonas verdes, infestadas de rutas e carreiros, aptos para a práctica do running. Trátase de rutas sen pavimentos, nas que todo é verde. É un terreo máis brando e moito máis saudable para o aparello locomotor. O parque de San Pedro, San Diego, Bens, Santa Margarita ou a propia contorna da Torre de Hércules contan con decenas de quilómetros de pistas rodeadas de especies arbóreas únicas e pezas escultóricas que resultan especialmente motivadoras. De feito, gozases de contornas ambientais protexidas nos que estarás acompañado unicamente polo son das aves migratorias ou o ruxido do Atlántico que se deixa escoitar por toda a península.

O paseo de Oza non queda atrás. Desde o seu peirao existe unha ruta de poucos quilómetros que se pode combinar coas instalacións de calistenia ao bordo do seu areal.

Calzadas urbanas

A nova estratexia de mobilidade da cidade permite aos corredores gozar de rutas plenamente urbanas entre rúas e avenidas emblemáticas e edificios modernistas. Moitas delas péchanse ao tráfico rodado durante todo o día permitindo a circulación de peóns e bicicletas, feito que aproveitan os runners para deseñar as súas rutas polo interior da urbe. A rolda peonil ou San Andrés, que pechan o paso de vehículos todos os fins de semana, son boas oportunidades para pisar o centro urbano.

Non te esquezas das zapatillas na túa maleta e anímache a coñecer todos os recunchos da Coruña dunha forma saudable. Cálzate, ponche cómodo, sport, e sal a correr. Descubrirás dunha forma diferente a cidade de cristal.