- Inicio
- Que facer na Coruña
- O imprescindible
O imprescindible
Torre de Hércules
Visitar A Coruña ten unha parada obrigada. En Punta Herminia está localizada. desde hai máis de 2.000 anos a Torre de Hércules, o faro máis antigo do mundo que aínda continúa en funcionamentto. Incrible, verdade?
Cidade Vella
A historia que marcou a cidade detense na coñecida como Cidade Vella da Coruña, na que poderás observas a maxestade do pasado desta urbe.
Praza de María Pita
A praza de María Pita, presidida pola heroína coruñesa que lle dá nome, foi proxectada a mediados do século XIX e ten na súa fronte norte o Palacio Municipal, un impoñente edificio modernista iniciado polo arquitecto Pedro Mariño en 1908, que non debes perder.
Avenida da Mariña
Cando o arquitecto Juan de Ciórraga deseñou a fachada das Galerías da Mariña na segunda metade do século XIX, non imaxinaba que a súa obra marcaría tanto a cidade. A Coruña acolle o meirande conxunto de cristal do mundo e o seu encanto foi tal que chegou incluso a crear un concepto propio: "A Cidade de Cristal".
Museos e galerías de arte
Tes moitos para deleitarte e para todos os gustos. Para aprender, tocar ou saborear. Máis aló de poder visitar o noso faro milenario, a Torre de Hércules, na Coruña gozarás de fantásticos museos e salas de exposicións capaces de atraer as miradas e espertar a curiosidade.
Paseo Marítimo
Máis de 13 km de paseo marítimo para pasear, pedalear polo carril bici, practicar deporte correndo ou tomar o sol nalgunha das súas praias. Toda a beleza do Atlántico nun dos paseos marítimos máis longos de Europa.
Monte de San Pedro
Hai un lugar na Coruña que debemos visitar se queremos desconectar do mundo e respirar o aroma do océano Atlántico. Alí poderemos saltar, correr, comer, tombarnos na herba, sacar as mellores fotos, ter as mellores vistas e deleitarnos co son do mar. É o monte de San Pedro.
Gastronomía
Seguro que xa o sabes ou que xa cho contaron. Na Coruña cómese moi, pero que moi, ben. Prepárate para todo un festín de produtos frescos do Atlántico, suculentas carnes, o mellor da horta galega e doces que quererás probar si ou si.
Compras
A Coruña é unha cidade creativa e de tendencia, capital galega da moda, o lugar onde naceu o xigante téxtil Inditex e que acolle múltiples diseñadores/as, creativos/as e artesáns e artesás. Unha cidade con estilo propio onde atoparás dende pequenas tendas cheas de encanto a boutiques, artesáns, un produto da alta cociña ou grandes superficies comerciais.
