ANUNCIO de aprobación inicial do estudo de detalle de cubrición de pista exterior do IES Salvador de Madariaga, A Coruña (expediente 631/2022/280)

A Xunta de Goberno Local, na sesión realizada o 15.05.2024, acordou a probar inicialmente o documento denominado "ESTUDO DE DETALLE DE CUBRICIÓN DE PISTA EXTERIOR DO IES SALVADOR DE MADARIAGA. ABRIL 2024", promovido pola Vicesecretaría xeral da Consellería de Cultura, Educación, Formación Profesional e Universidades, e asinado por Juan R. Iglesias Babío e Iván López Veiga, colexiados do COAG números 2663 e 2714, respectivamente.

En cumprimento do disposto no artigo 80.2 da Lei 2/2016, do 10 de febreiro, do solo de Galicia, e artigos 194.2 e 207 do seu Regulamento, sométese o expediente a información pública polo prazo dun (1) mes contado desde o día seguinte ao da última das publicacións deste anuncio, no Diario Oficial de Galicia ou dun dos xornais de maior difusión na provincia, para que calquera persoa poida examinar o estudo de detalle e formular as alegacións que procedan.

A documentación estará a disposición no taboleiro de edictos da sede electronica do concello no apartado información urbanística; na páxina web de Urbanismo no apartado de exposición pública, e no visor "Desenvolvemento do Plan". Tamén se poderá consultar fisicamente nas dependencias da Área de Urbanismo, Rehabilitación e Vivenda do Concello da Coruña (praza de Indalecio Prieto, 1-3), das 9.00 ás 13.00 horas.

A Coruña, 27 de maio de 2024

José Manuel Lage Tuñas

Concelleiro delegado responsable da Área de Economía e Planificación Urbana