ANUNCIO

A Xunta de Goberno Local, na sesión realizada o 30.07.2024, acordou a tramitación do convenio urbanístico mixto de planeamento e execución urbanística para a renovación urbana e posta en valor do espazo litoral dos polígonos RB1, RB2 e RB3 e dos núcleos Xubias de Arriba e Xubias de Abaixo da ría do Burgo.

En cumprimento do disposto no artigo 168 da Lei 2/2016, de 10 de febreiro, do solo de Galicia, e artigo 401 do seu Regulamento, unha vez que o referido convenio foi subscrito, sométese o expediente a información pública polo prazo dun (1) mes, contado desde o día seguinte ao da última das publicacións deste anuncio, no Diario Oficial de Galicia ou nun dos xornais de maior difusión na provincia, para que calquera persoa poida examinar o convenio e formular as alegacións que procedan.

A documentación do convenio estará a disposición no taboleiro de anuncios da sede electrónica do Concello, no apartado de información urbanística, e na páxina web de Urbanismo, no apartado de exposición pública. Tamén poderá consultarse fisicamente nas dependencias de Área de Urbanismo, Rehabilitación e Vivenda do Concello da Coruña (praza de Indalecio Prieto, 1-3), de 09.00 a 13.00 horas.

A Coruña, 6 de agosto de 2024

O Concelleiro Delegado Responsable da área de Urbanismo, Rehabilitación e Vivenda