ANUNCIO de aprobación inicial do estudo de detalle no ámbito API P25.2 delimitado no PXOM/13 vixente Falperra, A Coruña (expediente 631/2024/27)

A Xunta de Goberno Local, na sesión celebrada o 27.11.2024, acordou aprobar inicialmente o documento denominado "Estudo de detalle no ámbito API P25.2 delimitado no PXOM/13 vixente (Falperra). Outubro 2024", promovido polo Concello da Coruña, e redactado polos arquitectos Alfredo Garrote Pazos, Mónica Mesejo Conde e Sara Prieto Hortas, cos números de colexiados do COAG 1440, 1475 e 4754, respectivamente.

En cumprimento do disposto no artigo 80.2 da Lei 2/2016, de 10 de febreiro, do chan de Galicia, e artigos 194.2 e 207 do seu Regulamento, sométese o expediente a información pública polo prazo dun (1) mes contado desde o día seguinte ao da última das publicacións deste anuncio, no Diario Oficial de Galicia ou dun dos xornais de maior difusión na provincia, para que calquera persoa poida examinar o estudo de detalle e formular as alegacións que procedan.

A documentación estará a disposición do público no taboleiro de edictos da sede electrónica do concello, no apartado de publicidade oficial, taboleiro de anuncios e edictos do Concello da Coruña, información urbanística; na páxina web de Urbanismo no apartado de exposición pública, e no visor "Desenvolvemento do Plan". Tamén poderá consultarse fisicamente nas dependencias da área de Urbanismo, Rehabilitación e Vivenda do Concello da Coruña (praza de Indalecio Prieto, 1-3), de 09.00 a 13.00 horas, de luns a venres.

A Coruña, 28 de novembro de 2024

O Concelleiro delegado responsable da área de Urbanismo, Rehabilitación e Vivenda