Con motivo da celebración do Día Internacional da Muller o 8 de marzo, queremos pór unha mirada cara adiante e achegarnos ao campo tecnolóxico no que, cada vez máis, se enche de mulleres pioneiras que van abrindo camiños nas ciencias.

Nesta ocasión teremos a Ana Belén Díaz Parapar, formadora de informática e robótica dende hai 15 anos. Desenvolve tarefas de deseño de actividades nas que, a través da programación, a robótica e o deseño en 3D, trata temas como o "bullying", as adicións, os hábitos saudables e outros intereses dos e das adolescentes e familias.

Contaranos a súa experiencia, as dificultades e retos superados e como ve o futuro das mulleres no campo da tecnoloxía.