12 de xaneiro de 2023
O proxecto CORUÑA SUMA, promovido polo Servizo Municipal de Emprego do Concello da Coruña enmárcase na convocatoria 2018 de axudas do Fondo Social Europeo, previstas no Programa Operativo de Emprego, Formación e Educación (POEFE), destinadas a entidades locais para a inserción das persoas máis vulnerables (AP-POEFE).
A través deste proxecto, o Concello da Coruña mellorou a inserción sociolaboral de persoas desempregadas, a través da activación persoal, de itinerarios integrados e personalizados de inserción e da realización de xornadas informativas de intercambio de experiencias e boas prácticas.
No proxecto Coruña Suma expúxose o traballo técnico con criterios de calidade, para o que se elaborou un Manual de procedementos específico no que se recolleron protocolos de actuación e formatos empregados para a xestión de Itinerarios integrados e personalizados de inserción, de acordo ás particularidades e especificidades da convocatoria de axudas do FSE e a normativa que lle é de aplicación.
Neste Manual de Procedementos definíronse os mecanismos de funcionamento para a xestión técnica do proxecto, establecendo a forma en que un determinado proceso debe levarse a cabo. O obxectivo fundamental que se perseguiu foi normalizar e estandarizar a mellor forma posible de desenvolver os procesos de acordo ás Instrucións do Ministerio e incorporando un sistema de mellora continua.
Outro aspecto fundamental do proxecto foi o seu alto nivel de coordinación interna e externa. Desde a incorporación do persoal técnico ao proxecto, en abril de 2019, ata a data actual, 24 Ong, entidades sociais e servizos de formación, emprego e servizos sociais da cidade derivaron persoas beneficiarias ao proxecto, creando así unha Rede de entidades colaboradoras, coa que se traballou moi activamente.
Ao longo do desenvolvemento do proxecto, as entidades e os servizos municipais derivaron a un total de 1.126 persoas ao proxecto, das que 645 foron mulleres e 481 homes.
Da totalidade das derivacións que cumprían polo menos un dos perfís do proxecto, mostraron o seu interese en participar 892 persoas, das que 518 foron mulleres e 374 homes.
26 de setembro de 2024
24 de setembro de 2024
20 de setembro de 2024
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible