Entre os días 17 e 24 de febreiro de 2025 terá lugar a II edición das Xornadas de Orientación Artística e Profesional (XOAP 2025).

Organizadas polo Servizo Municipal de Educación do Concello da Coruña, estas xornadas teñen como obxectivo informar sobre os estudos Superiores de Deseño e os ciclos de Formación Profesional e ensinos Artísticos (ordinaria e básica) que se imparten nos centros públicos da cidade da Coruña.

Fará a solicitude en liña directamente a persoa interesada en acudir ás Xornadas a través da ficha de inscrición, indicando o centro educativo no que está matriculada, as visitas e charlas ás que quere acudir (identificadas por un código numérico), así como os seus datos persoais.

O prazo de inscrición para o alumnado matriculado en centros de fóra da cidade será do 27/01/2025 ata o 07/02/2025 ás 14.00 horas.

Máis información na páxina do programa: II Xornadas de Orientación Artística e Profesional (XOAP 2025) .