Un ano máis, o Concello da Coruña pon en marcha o proceso de solicitude dos campamentos municipais de verán, unha iniciativa do Goberno de Inés Rey para facilitar a conciliación das familias coruñesas durante os meses de vacacións escolares e para que os nenos e nenas da cidade poidan gozar de actividades deportivas, de lecer e de aire libre.

Todos os campamentos ofrecen prazas para nenos e nenas con necesidades especiais. O prazo para realizar as solicitudes ábrese o vindeiro luns, día 20 de maio, e finalizará o mércores día 23. As solicitudes faranse en liña na páxina web Campamentos de Verano 2024  onde estarán os formularios de inscrición e toda a información relativa ás distintas modalidades de campamentos.

O calendario de inscrición e o seguinte:

• Preinscrición: 20, 21 e 22 de maio
• Publicación das listaxes de menores preinscritas/os: 31 de maio
• Emendas: 31 de maio, 1* e 3 de xuño

*Só para campamentos urbanos nos centros cívicos, de día e de pernoctación

• Sorteo das prazas: 5 de xuño
• Publicación de listaxes de admitidas/os: 11 de xuño nas webs municipais
• Aboamento das cotas: do 11 ao 17 de xuño
• Chamadas á lista de espera: a partir do 18 de xuño.

As e os menores participantes deberán cumprir os requisitos específicos dos campamentos nos que se inscriban e para a obtención de praza terán preferencia os/as menores empadroadas/os no Concello da Coruña e aquelas/es cuxos/as proxenitores/as estean ambos/as traballando, ou teletraballando no caso de familias monoparentais.

Listaxe de campamentos municipais do 2024

Campamentos urbanos nos centros cívicos

Persoas destinatarias: nenas e nenos nados do 1/01/2012 ao 31/12/2020.

Datas: do 1 de xullo ao 10 de setembro en 5 quendas.

Horario: de luns a venres en horario de mañá.

Prezo: entre 26 e 32 euros.

2.250 prazas

Campamentos de día

Persoas destinatarias: nenas e nenos nados do 1/01/2012 ao 31/12/2020.

Datas: do 1 de xullo ao 30 de agosto en 4 quendas.

Horario: de luns a venres das 10.00 ás 18.00 horas.

Prezo: 85 euros.

416 prazas

Campamentos tradicionais de pernoctación

Persoas destinatarias: rapaces e rapazas nados do 1/01/2008 ao 31/12/2016.

Datas: do 2 de xullo ao 28 de agosto en 4 quendas de 7 días.

Prezo: 85 euros.

180 prazas

Campamentos deportivos

Persoas destinatarias: nenas e nenos nados do 1/01/2012 ao 31/12/2018.

Datas: do 1de xullo ao 30 de agosto en 4 quendas.

Horario: de luns a venres en horario de mañá.

Prezo: 48,18 euros.

480 prazas

Campacoles

Persoas destinatarias: escolares matriculadas/os nos CEIPs do Concello da Coruña no actual curso 23/24.

Datas: do 25 de xuño ao 31 de xullo nunha quenda de catro días en xuño e dúas quincenas en xullo.

Horario: de luns a venres en horario de mañá.

Prezo: 16 a 40 euros.

1.215 prazas

Summer talk

Persoas destinatarias: escolares matriculados/as nos cursos 1.º a 6.º de educación primaria e 1.º a 3.º de ESO en centros públicos do Concello da Coruña no curso 23/24.

Datas: do 25 de xuño ao 26 de xullo en 5 quendas.

Horario: de luns a venres en horario de mañá.

Prezo: 16 a 20 euros.

225 prazas.

Campamentos do Fórum e do Ágora

Persoas destinatarias: nenas e nenos nados do 1/01/2012 ao 31/12/2020.

Datas: do 25 de xuño ao 30 de agosto en 5 quendas.

Horario: de luns a venres en horario de mañá.

Prezo: entre 35 e 45 euros.

1.350 prazas

Campamentos de mocidade

Persoas destinatarias: mozas e mozos de 12 a 17 anos (nados entre 2007 e 2012).

Datas: xullo en 2 quendas de 9/10 días.

Horario: de luns a venres en horario de mañá.

Prezo: gratuíto.

100 prazas

Escola de verán da OMIC

Persoas destinatarias: nenas e nenos nados do 1/01/2014 ao 31/12/2020.

Datas: do 1 ao 31 de xullo.

Horario: de luns a venres en horario de mañá.

Prezo: gratuíto.

80 prazas

Máis información en www.coruna.gal/campamentos2024