Esra ruta permitiralle ao alumnado de 2 e 3 anos descubrir e coñecer o Parque de Santa Margarida como contorna natural e de recreación, así como os elementos naturais e/ou especies vexetais que o habitan.

O seu olfacto, habilidades e dotes de exploración farán que, mediante a observación, a exploración e a percepción sensorial entren no parque para lle axudar ao "Cascanoces" (o trasgo gardián do parque) a levar a cabo as súas rutinas diarias antes da súa apertura ao público.

Coa axuda destes "pequenos exploradores" e, unha vez finalizado este percorrido, o Parque de Santa Margarida quedará outra vez a recado e conservarase limpo e cheo de vida con todas as especies vexetais e animais que o poboan.