Metodoloxía

As características que definen a metodoloxía das actividades do programa son: actividade complementaria dentro do centro escolar, a contorna lúdica e a participación activa do alumnado.

Estas serán os acenos de identidade da actividade. Por todo isto emprégase unha metodoloxía que reforce a contorna de diversión nunha actividade complementaria e que pretende enriquecer o tempo de lecer formativo dos e as participantes.

Atenderase aos intereses do alumnado, apoiándose permanentemente nas habilidades derivadas do uso oral do idioma, con actividades enfocadas a resolver necesidades da vida cotiá.

Tipo de propostas:

ENGLISH LAB

Proposta específica para lingua inglesa no programa Idiomas no Centro, centrada na adquisición de comprensión e fluidez da comunicación oral.

OBXECTIVOS ESPECÍFICOS

• Realizar unha inmersión na lingua inglesa, adaptándose ás características das diferentes etapas educativas e potenciando o xogo nas etapas de infantil e primaria.
• Propiciar a interrelación dos contidos propios da lingua inglesa con disciplinas e actividades atractivas para os/as participantes que reforcen a formación integral das persoas.
• Mellorar a capacidade de escoita comprensiva a través de recursos baseados en centros de interese, que fomenten a participación activa do alumnado.
• Potenciar a expresión oral a través de temáticas que resulten motivantes para os/as participantes, enmarcado nun contexto de confianza e relaxación.
• Adquirir seguridade e soltura na comunicación oral en lingua inglesa, co fin de favorecer o seu uso cotián, potenciando a conversa e os debates na etapa secundaria.
• Afianzar a proposta educativa complementaria que as ANPA ofrecen nos centros públicos do municipio da Coruña, de forma que posibilite atender as necesidades de conciliación das familias.

ACTIVIDADES DE FIN DE ANO DE ENGLISH LAB

Luns 18 e martes 19 de decembro, STORYTELLING & DRAMA (contacontos interactivo dramatizado), para E.I e de 1º a 3º de E.P., por Katarsys School of English & Performing Arts (de 16:30 a 17:30h) non Centro cívico de Novo Mesoiro.

• Luns 18: CEIP Anxo da Garda, CEIP Labaca, CEIP Sae Lence, CEIP Rosalía de Castro e CEIP San Pedro de Visma.

• Martes 19: CEIP Manuel Murguía, CEIP Ramón da Sagra e CEIP Raquel Camacho.

PASSWORD, para 4º a 6º de educación primaria, en cada centro.

ON PARLE

Proposta específica para lingua francesa no programa Idiomas no Centro, centrada no descubrimento e a primeira inmersión na mesma para o alumnado novel, e na adquisición de comprensión e soltura da comunicación oral para os xa iniciados no uso desta lingua.

OBXECTIVOS ESPECÍFICOS

• Realizar unha inmersión en lingua francesa, adaptándose ás características das diferentes etapas educativas e potenciando a vertente lúdica.
• Propiciar a interrelación dos contidos propios da lingua francesa con disciplinas e actividades atractivas para os/as participantes.
• Afrontar a primeira aproximación á lingua francesa tanto para o alumnado nas súas primeiras etapas de formación, como para aquel que non tivese contacto coa lingua francesa.
• Afianzar e enriquecer o coñecemento que sobre o idioma francés posúa o alumnado que xa realizase a primeira inmersión nesta lingua.
• Potenciar a expresión oral do alumnado que xa teña feita a primeira inmersión nesta lingua, a través de temáticas que sexan motivantes para os/as escolares nun contexto divertido e relaxado.