A ANPA da Escola Infantil Municipal Carricanta organizará, o vindeiro xoves 16 de xaneiro, ás 17.00 horas, unha charla sobre o proceso de matrícula nos colexios de segundo ciclo de Educación Infantil. Tratarase o procedemento de solicitude de praza, prazos, documentación ou que esperar do segundo ciclo a nivel pedagóxico.

A charla, que será impartida por Beatriz Echevarrieta, presidenta da ANPA e profe do segundo ciclo, terá lugar na propia escola (rúa Jose María Hernansáez, 11, baixo, 15009 - entrada polo portalón de abaixo, enfronte de correos) e será gratuíta tanto para as persoas socias como para as non socias. Cabe destacar que se compartirá un documento en PDF cun resumo da información para que chegue tamén a aquelas persoas que non poidan asistir.

A inscrición pódese realizar, ata o día 10 de xaneiro, a través do seguinte formulario: https://forms.fillout.com/t/m6Nkax2MU6us