A Escola Infantil Municipal de Monte Alto organiza unha "Festa" do Entroido para nenos, nenas e familias, o mércores 26 de febreiro, ás 17.00 horas.

A actividade levarase a cabo no patio exterior da escola, coa apertura ás 16:50 horas. Ás 17:00 horas o equipo da escola presentará o Entroido 2025. Seguidamente, iranse presentando os diferentes personaxes da escola (Dona Clara e Gotiña, Ventolín e Calmote, Topolín e Mariluz...) mentres se realizan diferentes xogos.

Para finalizar, farase unha merenda compartida, cos alimentos (sobremesas, froita...) que traian as familias.

Entroido compartido o vindeiro venres

O vindeiro venres día 28, pola mañá, a escola recibirá a visita dos nenos e nenas da EIM Luís Seoane e do CEIP Torre de Hércules, para gozar dunha mañá de Entroido con moita música e baile. Os nenos e nenas poderán ir disfrazados do que máis lles guste. En todo caso, na escola haberá disfraces e moitos complementos.