Este xoves 7 de marzo comezan os itinerarios escolares da edición 2023/2024 coa participación do CEIP Torres de Hércules na ruta "O Picasso mozo".

Está previsto que participen neste programa ao redor de 1600 alumnos e alumnas de centros escolares da Coruña, que coñecerán algo máis da historia da cidade herculina.

Sesións de 90 minutos

Este programa está destinado ao alumnado de 3º a 6º de Educación Primaria, de Educación Secundaria e de Bacharelato dos centros educativos da cidade. Os percorridos terán unha duración media de 90 minutos e organizaranse baseándose nunha serie de temáticas previamente seleccionadas por cada centro: a historia da cidade e dos seus personaxes históricos, a arquitectura moderna, personaxes famosos da cidade en diferentess épocas etc.