Entre os días 17 e 24 de febreiro de 2025 terá lugar a II edición das Xornadas de Orientación Artística e Profesional (XOAP 2025).

Organizadas polo Servizo Municipal de Educación do Concello da Coruña, estas xornadas teñen como obxectivo informar sobre os estudos Superiores de Deseño e os ciclos de Formación Profesional e ensinos Artísticos (ordinaria e básica) que se imparten nos centros públicos da cidade da Coruña.

Como parte das xornadas, o mércores 19 de febreiro, ás 17.30 horas, levarase a cabo a presentación dos estudos superiores de deseño que se poden cursar en Galicia. Esta sesión terá lugar na EASD Pablo Picasso (rúa Os Pelamios, 2).

Para poder acceder á charla, o alumnado inscrito ten que presentar a CREDENCIAL correspondente, que lle será enviada ao seu correo electrónico no momento da inscrición.

Máis información na páxina do programa: II Xornadas de Orientación Artística e Profesional (XOAP 2025) .