Concello da Coruña

Concello da Coruña
Iniciar sesión

A EIM Carricanta prepárase para celebrar "As semanas de Paz"

Cando:

9 de xaneiro de 2025

Trátase dunha proposta baseada no proxecto de paz “Con moitas mans faremos un mundo de cor”, onde a imaxinación e a creatividade veñen da man duns personaxes moi especiais.

Como cada ano, durante parte do mes de xaneiro e febreiro, a Escola Infantil Municipal Carricanta dedica todo o traballo a "As semanas de Paz", onde toda a escola se afana nunha experiencia creativa e lúdica, chea de maxia, sorpresas e cor.

Nesta proposta, baseada no proxecto de paz "Con moitas mans faremos un mundo de cor", a imaxinación e a creatividade veñen da man duns personaxes moi especiais. Eles son os encargados de lles facer vivir aos nenos e ás nenas unha infinidade de aventuras e facer deste tempo un momento inesquecible. Son os seguintes:

  • Poquito: un simpático pallaso que foi o primeiro en aparecer e o que foi traendo os novos amigos. Nunca deixa de sorprender coa súa maleta, as súas amizades, as súas músicas, as súas bromas, os seus xogos de mans...
  • O capitán Tan: o noso entrañable amigo que viaxa por todo o longo e ancho deste mundo e recolle aquilo que cre que nos vai interesar destacando o seu carácter soñador e imaxinativo.
  • Faustina: a nosa fascinante amiga que sempre nos vai sacar a parte máis positiva das cousas e vai intentar, coa súa variña máxica, dar cor a aquilo que se nos aparece escuro.
  • Pippi: esa nena inxenua e imaxinativa que enche de cor cada un dos momentos que compartamos con ela e a súa fantasía e imaxinación fainos chegar moi lonxe.
  • Don Sonriso: foi o último en chegar a Carricanta e fíxoo da man do proxecto "Apúntome a un sorriso". Tamén ten moito que dicir sobre o tema das mans e como a través das amizades o noso sorriso xorde.

Participación das familias

Para que esta experiencia adquira todo o seu significado, a escola necesita a participación e colaboración das familias. Para iso propoñen:

  • Achegar materiais para o traballo do tema e aquelas cousas que poidan ser de utilidade.
  • Propostas de aula: colaborando con algunha das experiencias que se propoñan desde a aula.
  • Propostas plásticas: entre todos e todas imos decorar a praza da Benvida con cousas características de cada personaxe:
    • Poquito: chapeus decorados
    • Capitán: lupas con material de reciclaxe ou decoradas
    • Faustina: variñas
    • Pippi: cintas de vento
    • Don Sonriso: emocións
  • As maletas viaxeiras: unha proposta onde as distintas maletas de cada unha dos tipos de mans saen da escola para a casa.
  • Encontros de Paz con familias: nestas próximas semanas programarase esta experiencia para os grupos de 1-2 e 2-3, sendo as datas previstas:
    • Día 6 de febreiro: das 17.15 ás 18.15 aulas 3, 4 e 5
    • Día 13 de febreiro: das 17.15 ás 18.15 aulas 6, 7 e 8

Co fin de poder organizar ben os encontros, as persoas interesadas deben apuntarse na secretaría da escola ou a través do correo electrónico ata o día 28 de xaneiro. As sesións desenvolveranse na sala de usos múltiples (entrada polo portalón de abaixo) e soamente poderá acudir unha persoa adulta por neno ou nena.

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible