Con motivo da celebración, o mércores 20 de novembro, do Día Internacional dos Dereitos da Infancia, as Escolas Infantís Municipais Os Cativos de Palavea e Monte Alto, centraron as súas actividades da mañá nesta temática.

Os contos, as cancións, xogos, personaxes e imaxes foron utilizados como recursos para ir relatando e nomeando os dereitos dunha forma próxima aos intereses das nenas e nenos da escola.

A través de recreacións sobre teas brancas (fundas de coxíns) presentáronse os dereitos, pensando sempre na forma máis adecuada para que a mensaxe estivese adaptada ás nenas e nenos.

O proxecto DEREITOS DA INFANCIA é un proxecto da EIM Os Cativos de Palavea no que as familias e o equipo educativo da EIM Monte Alto tiveron unha participación moi importante.