Máis de 200 escolares de educación infantil e educación primaria de diferentes CEIP do Concello da Coruña asistiron, o pasado luns 16 de decembro, ao Fórum Metropolitano, para gozar do Espectáculo "FMS (Funny Music Storytelling)".

O espectáculo, desenvolvido polo equipo de Proxecto Bululú, dividiuse en dúas sesións, de 45 minutos de duración cada unha delas. A primeira estivo dirixida a escolares de educación infantil, mentres que a segunda foi para estudantes de 1.º a 3.º de primaria inscritos no Programa de lecer municipal "Idiomas no centro".

O programa educativo do Concello da Coruña "Idiomas no centro" busca fomentar o coñecemento dun idioma estranxeiro (inglés ou francés) nun contexto lúdico que reporte unha experiencia positiva durante o proceso de aprendizaxe.