Máis de 50 escolares de 4.º, 5.º e 6.º de educación primaria de diferentes CEIP do Concello da Coruña acudiron o pasado luns 16 de decembro ao Fórum Metropolitano, para gozaren do espectáculo "FMC (Funny Music Contest)".

A actividade estaba organizada polo Proxecto Bululú, composto por un grupo de profesionais con máis de dez anos de experiencia laboral como xestores, técnicos e dinamizadores de proxectos e actividades socioculturais e educativas.

Este espectáculo forma parte do programa educativo do Concello da Coruña "Idiomas no centro", que busca fomentar o coñecemento dun idioma estranxeiro (inglés ou francés) nun contexto lúdico que reporte unha experiencia positiva durante o proceso de aprendizaxe.