Un autobús urbano recollerá no colexio o alumnado e o profesorado acompañante e levaraos á Compañía de Tranvías. Alí visualizarán unha presentación de diapositivas explicativa sobre a evolución dos medios de transporte colectivo: tranvía de mulas, tranvía eléctrico, trolebús e autobús, e finalizarase cunhas vistas de tranvía turístico. Explicaránselles as vantaxes do transporte colectivo sobre o privado, tanto a nivel ecolóxico como social. Visitaremos as instalacións e antes de levalos novamente ao colexio, pasaremos o autobús polo tren de lavado. Esta última parte da visita gústalles moito ás nenas e nenos.

Material divulgativo e didáctico: achégase a unidade didáctica que lle repartimos ao alumnado e profesorado para o seu comentario e estudo na aula.