O noso proxecto de prevención e formación busca xerar un espazo que reflexiona sobre os valores de convivencia cidadá na mobilidade que son parte do contido e marcan liñas de acción de responsabilidade, corresponsabilidade, solidariedade, prudencia e respecto.

Ámbito e temporalidade

Desenvólvese dentro do horario escolar. A data e duración axustaranse á dispoñibilidade do centro e de STOP Accidentes dentro do curso escolar 2024-2025

Condicións para participar no programa

A actividade coordínase, por orde de inscrición e directamente co centro educativo.

• A participación é gratuíta.
• Desenvólvese co alumnado do centro educativo.
• O contido e a metodoloxía adáptase ás idades do alumnado.
• É opcional escoller a actividade práctica.

Actividades

Actividade teórica: obradoiro de mobilidade sostible e segura. Duración 50´

Realízanse talleres de sensibilización na aula co apoio de contido multimedia e con dinámicas que facilitan a aprendizaxe significativa a través da participación activa. Cunha duración de 50´

Actividades prácticas opcionais: duración mínima dunha clase de 50 e máximo dúas clases no caso do simulacro

Ofrecemos, para complementar a parte teórica, diferentes actividades complementarias para captar a atención dos participantes e reforzar a adquisición de contidos.

• Taller de comunicación asertiva: aprender a dicir NON: saber dicir "NON" non é unha capacidade innata. É unha destreza que require adestramento, é por iso polo que se fala das "técnicas para dicir NON", que forman parte das aprendizaxes en habilidades sociais. Con estes obradoiros aprenderán a dicir NON dunha maneira eficaz e asertiva que potenciará a súa capacidade de control.
• Detectives da mobilidade: talleres de observación e análise de riscos de mobilidade no ámbito do centro educativo.
• Simulacro de sinistro viario: realizamos, en colaboración cos servizos de emerxencias (Bombeiros, Policía Local, servizos sanitarios), un simulacro de sinistro de tráfico. Ao finalizar o simulacro, ábrese un debate con todas as persoas participantes e cóntase co testemuño dunha vítima. Esta dinámica permite reflexionar en grupo e o seu obxectivo é que extraian as súas propias conclusións fronte a esta realidade.