- Inicio
- Programas Educativos
- Detalle programa
Concurso de drons 2024-25
Sesións de formación e de familiarización no manexo de drons para posteriormente participar no concurso.
Trátase de propiciar a introdución na aula dunha tecnoloxía nova e motivadora e de alcanzar obxectivos educativos a través do manexo e da programación de Droneblocks do dron Tello.
Localización do centro:
De calquera concello
Servizo municipal:
Educación
Tipo de actividade:
Complementaria
A quen vai dirixido?:
Alumnado dos seguintes niveis agrupados en dúas categorías e en equipos de 3 membros:
- de 1.º a 3.º de ESO
- 4.º de ESO, BACH e FP de grao medio
Teñen preferencia os centros inscritos no "Obradoiros e concurso de robótica" e os centros que non tiveron experiencias previas con drons, xa que se pretende facilitar a introdución desta tecnoloxía na aula.
Horario:
A actividade realizarase no IES Ramón Menéndez Pidal.
As datas de realización son o 21 e 22 de outubro, en dúas quendas, de 16.30 a 17.45 h e de 17.45 a 19.00 h.
Remuneración / Dotación:
Concederanse premios de 100 €, un por cada categoría e outro ao centro mellor clasificado do Concello da Coruña.
Un centro non poderá levar máis dun premio. O grupo de alumnos/as concursará pola categoría máis alta, se no mesmo equipo as persoas participantes son de distinta categoría.
Prezo / Custo:
Gratuíto
Obxecto:
- Desenvolver o pensamento computacional, incorporando o potencial do razoamento lóxico (eventos, secuencias, bucles, variables, funcións, condicionais...), como sistema de resolución de problemas.
- Desenvolver o pensamento crítico, a comunicación e o deseño colaborativo.
- Mellorar a orientación e visualización espacial.
A data de entrega de premios está por determinar, farase no IES Ramón Menéndez Pidal.
1 premio por categoría: ESO e Bacharelato, e mellor centro do Concello da Coruña
Cando:
Dende o 21/10/2024 ata o 22/10/2024
Xa rematou
Inscricións:
Dende o 16/09/2024 ata o 16/10/2024
Os centros participantes deberán anotarse na ficha de inscrición do servizo de educación do 16 de setembro ao 16 de outubro.
Unha vez realizada a inscrición na ficha de inscrición do servizo de educación, os centros teñen que acceder á ficha de solicitude de IGACIENCIA e inscribirse desde o 26 de setembro ao 11 de outubro.
- Do 26/09, ás 10 h, ao 2/10, para os centros do Concello da Coruña:
- 1 grupo por centro na actividade de Robótica o que, á súa vez, dará opción a inscribir 1 equipo por centro na actividade de Drones, de ter interese en participar tamén nesta actividade.
- Do 3/10, ás 10 h, ao 8/10, para os centros de fóra do Concello da Coruña coas mesmas condicións que figuran no apartado anterior.
- Do 9/10, ás 10 h, ao 11/10, se quedan prazas libres, inscrición para todos os centros dun segundo grupo en Robótica e/ou equipo en drones. Tamén terán opción de inscribir un equipo en Drones calquera centro, aínda que non estea inscrito en Robótica.
Contacto:
IGACIENCIA
Inés Ben. secretaria@igaciencia.org
SERVIZO MUNICIPAL DE EDUCACIÓN
Tfno: 981-184200 ext 10231 educacion@coruna.gal
Requisitos:
Non é precisa unha formación previa pero solicitarase que se visualice previamente o vídeo: https://www.youtube.com/watch?v=KqZe2QPYDxg
Organiza:
IGACIENCIA (http://www.igaciencia.eu/)
Enderezo:
Rúa Mª Victoria Fdez-España y Fdez-Latorre 2. 15002 A Coruña
Síguenos en
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible