O obxectivo último deste programa é a activación do CLIAC, un órgano representativo onde nenos e nenas de toda a cidade sexan os/as representantes da infancia e trasladen ao Concello as necesidades, propostas e suxestións ao redor das cuestións que lles afectan no día a día, exercendo así o seu dereito á participación e levando á práctica o traballo de cidadanía participativa.

Como pasos previos á constitución deste órgano, é preciso realizar un traballo previo co alumnado, tanto nas aulas como fóra. Este traballo estará liderado polo profesorado de 5º e 6º de EP, que se apoiarán nunha guía didáctica para o traballo na aula, compartirán co seu alumnado contidos e dinámicas sobre dereitos da infancia, participación cidadá e valores democráticos, facilitando que nenos e nenas comecen a valorar os procesos participativos e recoñezan a súa capacidade para formar parte do primeiro órgano representativo da infancia na cidade.

Con este grupo, formado por nenas e nenos de todos os centros participantes, realizaranse sesións formativas en horario extraescolar, preparándoas para a participación no CLIAC.

Neste momento, as persoas que participan no CLIAC pertencen aos seguintes centros:

• CPR Escravas do Sagrado Corazón
• CPR Karbo
• CPR Sal Lence
• CPR Santo Domingo
• CPR Calasanz - PP Escolapios
• CPR Sagrado Corazón - Franciscanas
• CEIP Ramón da Sagra
• CPR Cid
• CPR Salesianos San Juan Bosco

Na canle de YouTube do Servizo municipal de Educación están dispoñibles os vídeos deste programa.

O pleno do CLIAC terá lugar o 16/09/2024 ás 17.00 h no salón de plenos municipal