Concello da Coruña

Concello da Coruña

Converxencias arte e ciencia 2023-24

A exposición "Converxencias, arte e ciencia", organizada pola Institución Galega de Ciencia (IGACIENCIA) e o Servizo Municipal de Educación do Concello da Coruña, enmárcase dentro das actividades de difusión da ciencia e da cultura científica na sociedade, para mostrar as sinerxías e os vínculos entre a arte e a ciencia, propiciar a comprensión do método científico, a resolución de problemas, o espírito crítico e o interese social pola ciencia e a innovación como base do progreso.

Localización do centro:

De calquera concello

Servizo municipal:

Educación

Tipo de actividade:

Outras

Titularidade do centro:

Público, Concertado, Privado

A quen vai dirixido?:

Preferentemente, alumnado de ESO, BACH e FP de Galicia.

Tamén existe a posibilidade de adaptar a sesión para a Escola de Arte e a Universidade da Coruña.

Horario:

Desde o 22/01/2024 ata o 26/01/2024:

  • Visitas e obradoiros para os centros educativos de dúas horas de duración, horarios:
    • De 09.15 a 11.15
    • De 10.50 a 12.50
    • De 12.30 a 14.30
  • Parte expositiva aberta ao público en xeral, en horario de 15.00 a 21.00 h.

Prezo / Custo:

Gratuíto.

Obxecto:

O obxectivo fundamental dos obradoiros-exposición é ilustrar e profundar no diálogo entre a ciencia, a arte e a tecnoloxía, primando en todo momento o compoñente didáctico e divulgativo para achegarse ao público xeral e, especialmente, á mocidade. Trátase dunha proposta que propicia o tratamento STEAM nas aulas (ciencia, tecnoloxía, enxeñaría, arte e matemáticas). Unha maneira de traballar a ciencia e a arte en proxectos conxuntos, que impliquen ambos os aspectos.

Na exposición preténdese explorar esa interacción dinámica das conexións entre a arte e a ciencia, para establecer visións integradas e integradoras, para iso selecciónanse obras e autores representativos de distintos movementos artísticos ao longo do tempo.

Nesta ocasión a viaxe iníciase na arte celta e céntrase especialmente en movementos artísticos dos últimos séculos para terminar con obras de arte dixital 3D, de Manuel Díaz Regueiro, recentemente expostas en congresos internacionais.

ESTRUTURA E COMPOSICIÓN DA PROPOSTA PARA 2024:

Presentación animada sobre o uso das matemáticas no método compositivo e o uso da cor por Juan Gris. O Cubismo.

-Parte expositiva:

  • Paneis interpretativos que poñen de manifesto as conexións coa ciencia das distintas obras obxecto de análise.
  • Obras de arte dixital impresas en 3D de Manuel Díaz.
  • Algún dos poliedros realizados por centros educativos e premiados no concurso Novos Poliedros, realizados nos anos 2021 a 2023.

- Obradoiros

En función das características do grupo, desenvólvense algúns dos seguintes talleres para implementar a parte expositiva:

  • Conxunto de actividades relacionadas coa simetría:
    • Simetrías 2D (libros de espellos, escritura de Leonardo, programa os 17 grupos de simetrías)
    • Simetrías 3D (poliedros, simetrías especulares, caleidoscopios poliédricos...)
  • Tramas e ilusións ópticas
  • Espirais de Fibonacci
  • Topoloxía. Cordas topolóxicas e banda de Möebius
  • Creando e interpretando mosaicos: xogo de Alhambra, tipo Escher, de Penrose
  • Grupos. Dun poliedro ou dunha figura plana
  • Zome. Polidrones. Icosaedro áureo, Tensegridades, Xogos 3D...
  • Os poliedros na arte

Cando:

Dende o 22/01/2024 ata o 26/01/2024

    Xa rematou

    Inscricións:

    Dende o 15/09/2023 ata o 15/10/2023

    Inscrición centros

    Ficha de solicitude xeral. A cubrir polo centro do 15/09/2023 ao 15/10/2023.

    Ficha de solicitude específica:

    Realizarase a través dun formulario na web: http://www.igaciencia.eu

    • Prazo de inscrición para os centros educativos do Concello da Coruña, un grupo por centro: desde o 01/12/2023 ás 10.00 ata o 17/12/2023 ás 14.00 horas
    • Prazo de inscrición para os centros educativos doutros concellos, un grupo por centro: desde o 18/12/2023 ás 10.00 ao 11/01/2024 ás 14.00 horas.
    • No caso de que non se cubran todos os grupos, os centros de calquera concello, poden inscribir un segundo grupo por centro: desde o 12/01/2024 ás 10.00 ao 16/01/2024 ás 14.00 horas.

    Contacto:

    IGACIENCIA

    Inés Ben (secretaria@igaciencia.org)

    Servizo Municipal de Educación

    Tel. 981 184 200 ext. 10231 (educacion@coruna.gal)

    Requisitos:

    Grupos de ata 40 alumnos/as por sesión.

    Organiza:

    IGACIENCIA e Servizo Municipal de Educación

    Enderezo:

    Centro Sociocultural Ágora. Lugar Gramela 17. 15010 A Coruña

    Máis información:

    http://www.igaciencia.eu

    Teléfono de asistencia técnica da web educativa municipal (981 902 327)

    Que che parece esta sección?

    -101-101-101

    Síguenos en

    Tes un navegador demasiado antigo!

    Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

    Iniciar sesión