OBXECTIVOS

• Gozar da actividade motriz e deportiva como un medio para sentirse a gusto consigo mesmo e cos demais.
• Participar na actividade deportiva con independencia do nivel de habilidade alcanzado, aceptando as normas e respectando as diferenzas entre os/as participantes.
• Adquirir hábitos hixiénicos e saudables directamente relacionados coa práctica de actividades motrices e deportivas.
• Desenvolver as habilidades e capacidades motrices básicas (E. Infantil) e aquelas directamente vinculadas ás prácticas deportivas elixidas (especialmente nos últimos cursos de E. Primaria).
• Proporcionar, a través do deporte, experiencias gratificantes que lles orienten á hora de utilizar adecuadamente o seu tempo libre.

REQUISITOS

O cociente mínimo para formar grupo establecerase segundo a liña de cada centro:

• con liña 1: 8 participantes; e 7 nos centros de menos de 100 alumnos/as matriculados/as
• con liña 2: 9 participantes.
• con liña 3: 10 participantes

A partir de 20 desdobrarase o grupo. . Con todo terase en conta as características do grupo para realizar un desdobre aínda cando o grupo non chegue a 20.

Se non se puidese formar un grupo por non chegar ao mínimo de participantes ou non dispoñer dos recursos humanos, materiais ou instalacións idóneas, facilitarase aos solicitantes a inclusión noutro grupo xa formado ou ben se valorará conxuntamente coas familias substituír esa actividade por outra que si cumpra as condicións necesarias para a súa posta en marcha.

Se algún participante necesitase un apoio específico indicarase no formulario de inscrición. Esta solicitude de apoio será estudada pola Federación Provincial de Anpa para valorar a súa viabilidade.

O centro escolar deberá proporcionar os espazos adecuados para realizar as actividades deportivas do programa.

CONDICIÓNS DE PARTICIPACIÓN:

• Cumprir as normas de convivencia do centro e manter unha actitude de respecto no desenvolvemento das actividades. En caso de non cumprirse aplicarase o protocolo sancionador presente no centro educativo ou no ANPA dese centro.
• A falta de asistencia continuada sen xustificación poderá supoñer a expulsión do programa sen dereito a devolución da cota abonada. Esa vacante poderá ser ocupada por outro escolar que a necesite por estar en listaxe de espera.
• Unha vez comezado o programa, se algún grupo xa formado queda por baixo do cociente mínimo establecida por falta de asistencia dos participantes, non podería continuar, quedando suspendida esa actividade.
• Se una mesma actividade, para un mesmo tramo de idade, ofértase en dúas franxas horarias diferentes, o participante só poderá escoller unha desas dúas franxas horarias.
• Ademais, só permitirase a inscrición nunha soa actividade houbésese outra oferta na mesma franxa horaria. É dicir non se contempla nin admite a participación de 1 hora a unha actividade e outra hora a outra actividade diferente.
• As actividades solicitadas escolleranse entre a oferta de actividades deportivas proposta polo ANPA de cada centro.

MODALIDADES DEPORTIVAS

Cada actividade está adaptada ao nivel de desenvolvemento da rapazada, fomentando o seu crecemento integral a través do xogo e o deporte.

En Educación Infantil: as actividades céntranse en mellorar as habilidades motoras xerais mediante xógoo, axudando aos/as máis pequenos/as a desenvolver coordinación e movemento de maneira divertida e segura.

En Educación Primaria: nos primeiros cursos, enfocámonos na evolución natural dos xogos motores e en actividades rítmicas que combinan xogo e deporte. A medida que os/as escolares crecen, introdúcense actividades rítmicas que desenvolven coordinación e expresión corporal, deportes específicos adaptados ao seu nivel e xogos de mesa e xadrez para desenvolver habilidades estratéxicas. As

DEPORTES ALTERNATIVOS (Colpbol, Ultimate, Baseball, Pickleball...) é unha proposta innovadora que convida o alumnado a explorar actividades deportivas emocionantes, fomentando a creatividade, o traballo en equipo e o desenvolvemento integral nun ambiente divertido. Adaptados a todos os niveis de habilidade, ofrecen unha alternativa atractiva aos deportes tradicionais, promovendo o benestar integral dos/as participantes.

ENCONTROS DEPORTIVOS* é unha actividade de competición entre equipos do centro ou intercentros en deportes específicos, promovendo a cooperación, a competencia saudable e o desenvolvemento de habilidades sociais e motrices.

En ESO: as ANPAS dos IES poderán solicitar as mesmas modalidades deportivas propostas para o último tramo de Educación Primaria.

Poderanse solicitar outros deportes sempre que o centro teña as instalacións adecuadas. A Federación Provincial de ANPAS avaliará estas propostas para decidir a súa realización.

METODOLOXÍA

Baséase nun modelo participativo e activo de todos os membros do grupo que, independentemente do seu nivel de habilidade, logre que sentan a gusto na actividade.

RECURSOS HUMANOS DO PROGRAMA

Cada grupo ou escola deportiva que se forme terá como responsable a un único educador/a; excepto aqueles grupos que polos seus especiais características necesiten dun/a educador/a de reforzo.