Desde o ano 2000 lévase a cabo o 12 de maio como o Día Escolar das Matemáticas e en Agapema, na Zona da Coruña, celebrámolo dunha forma especial cunha FEIRA MATEMÁTICA.

O lema deste ano para o día escolar das matemáticas é "as matemáticas dos volcáns", o que pode dar unha idea aos docentes para preparar a actividade ou o material. Nesta ligazón podes descargar o material que María Charco Romeu, investigadora do CSIC no Instituto de Xeociencias (IGEO), ten preparado e que se publicou noº n 101 da revista SUMA.

O evento, dedicado a todas as etapas do ensino, consiste nunha Feira na que cada Centro, cada profesor, cada grupo de alumnos e alumnas pode expoñer, vender, comprar unha ou máis propostas didácticas ou actividades entre as que considere oportuno.

CONDICIÓNS DO PROGRAMA

Cada grupo de participantes pode expoñer, vender ou comprar unha ou máis propostas didácticas ou actividades matemáticas entre as que cosidere oportuno. Cada centro dispoñerá dunha caseta ou posto para mostrar todas as súas experiencias de aula, xogos, exposicións...

Podes ver toda a información sobre o programa na seguinte ligazón: Feira Matemática