Esta actividade, enmarcada dentro da dinamización lingüística, está baseada na creación e posta en escena de monólogos da man de humoristas profesionais da nosa cidade. Non só potenciará a comprensión e a expresión oral, senón que tamén brindará un espazo único para descubrir novos talentos cómicos na aula.

O colofón: unha divertidísima gala ao máis puro estilo "Got talent", onde mostraremos o traballo, coñeceremos "a competencia", repartiranse premios e, por suposto, partirémonos de risa!

Queres saber por que non podes deixar pasar esta oportunidade?

• Formación con risas aseguradas: o teu alumnado aprenderá os segredos da comedia da man de profesionais de primeira (na aula, con posterior tutela en liña). Dende o primeiro chiste ata o último aplauso, descubrirán como a comedia é unha poderosa ferramenta de expresión e un medio eficaz para a dinamización da lingua galega.
• Unha experiencia para todas e todos: todo o grupo participará no proceso creativo, aínda que só un ou unha será o/a encargado/a de defender o monólogo final da vosa aula (casting ou audición). Un reto emocionante que sacará o mellor de cada grupo!
• Cero complicacións para o profesorado: a coordinación do programa require moi pouco esforzo pola túa banda. Con toda a nosa axuda, o alumnado desenvolverá as súas habilidades mentres ti atopas novas formas de aplicar criterios de avaliación.
• O peche será espectacular: unha gran gala final, cun formato audiovisual digno dos mellores programas de televisión, que contará con figuras destacadas do humor local, vídeos, premios, actuacións sorpresa e moitas gargalladas.
• A GALA TERÁ LUGAR O XOVES 27 DE MARZO, ÁS 17.00 HORAS, NO AUDITORIO DO CENTRO ÁGORA.

Non deixes que o teu alumnado perda esta oportunidade única de aprender, divertirse e brillar no escenario. Únete a nós en gargallada e axúdalles a descubrir o seu lado máis cómico, á vez que contribuímos á dinamización lingüística!