Os centros, a través de equipos formados por tres alumnas/os, traballan na resolución de problemas matemáticos de maneira cooperativa.

O programa ten as seguintes fases:

• Fases de centro que se realiza durante o mes de marzo no propio colexio. Unha vez terminada, cada centro comunicará os nomes das persoas participantes que forman cada equipo (indicarase a data o último día), cubrindo a ficha do formulario de zona
• Fases zonais na Coruña, Ferrol, Lugo, Ourense, Pontevedra, Santiago e Vigo. A fase de zona da Coruña realizarase, previsiblemente no Fórum Metropolitano, o venres 26 de abril das 10.00 ás 13.00 h.
• Final galega, o 24 de maio, ás 10.30 h na Facultade de Ciencias da Educación da Coruña.

Nas Fase de Zona e na Fase Final galega, o alumnado deberá levar o material que considere necesario para resolver as probas (bolígrafo, lapis regra, calculadora etc.) Facilitaráselles papel.

Tamén será imprescindible que en ambas as fases cada alumno/a se identifique co seu DNI ou, na súa falta, co certificado acreditativo correspondente do centro educativo.

Os centros que desexen participar formalizarán, antes do 1 de marzo de 2023, a súa inscrición en liña, indicando o número de equipos (un por clase) que vai intervir, e o profesorado responsable, no formulario de inscrición.

A comunicación coas persoas participantes realizarase a través dos enderezos electrónicos que faciliten. É importante que proporcionen dous enderezos diferentes (o do/a profesor/a e o do centro) por se houbese algún erro nalgún deles.

Para calquera comunicación coa organización débese utilizar o correo electrónico rebumbio@agapema.org