Os centros, a través de equipos formados por tres alumnas/os, traballan na resolución de problemas matemáticos de maneira cooperativa.

O programa ten as seguintes fases:

• Fase de centro, que se realiza durante o mes de marzo no propio colexio. Unha vez terminada esta fase, cada centro comunicará os nomes dos participantes que forman cada equipo (antes do 1 de abril de 2025), cubrindo a ficha do formulario de zona.
• Fases de zona na Coruña, Ferrol, Lugo, Ourense, Pontevedra, Santiago e Vigo. A fase da zona da Coruña realizarase no Fórum Metropolitano, o venres 25 de abril ás 10.30 horas.
• Final galega, o 16 de maio, ás 10.30 h na Facultade de Ciencias da Educación da Universidade da Coruña.

Nas Fases de Zona e na Final galega, o alumnado deberá de levar o material que consideren necesario para a resolución das probas (bolígrafo, lapis regra, calculadora etc.). Facilitaráselles papel DIN A4.

Tamén será imprescindible que en ambas as fases cada alumno/a se identifique co seu DNI ou, na súa falta, co certificado acreditativo correspondente do Centro Educativo.

Os centros que desexen participar formalizarán, antes do 1 de marzo de 2025, a súa inscrición en liña, indicando o número de equipos (un por clase) que van intervir, e o profesorado responsable, no formulario de inscrición.

A comunicación cos participantes realizarase a través dos enderezos electrónicos que faciliten. É importante que proporcionen dous enderezos diferentes (a do profesor e a do centro) por se houber algún erro nalgunha delas.

Para calquera comunicación coa organización débese utilizar o correo electrónico rebumbio@agapema.org