CONTIDOS DAS VISITAS

Tanto no ciclo de Educación Infantil como en cada un dos tres ciclos de educación primaria os contidos abordados serán os seguintes:

1. A ficción nas súas diferentes formas de gozala (lectura, narración, declamación, observación...) e xéneros (contos tradicionais, de autor/a, álbums, poesía...)
2. A ilustración como recurso informativo, interpretativo e que proporciona experiencias sensoriais e estéticas.
3. Os libros e recursos informativos como recurso básico para desenvolver o desexo de aprender, ampliar intereses, comprender a organización, estrutura e presentación da información: temas, organización dos textos, buscas...

DURACIÓN DAS VISITAS

Como norma xeral a duración estimada das visitas non excederá as 2 horas. En función da visita adxudicada comunicarase a duración exacta.

CENTROS ONDE SE OFERTA

As Bibliotecas Municipais que acollerán visitas escolares son:

• BIBLIOTECA MUNICIPAL ÁGORA: máximo 20 visitas
• BIBLIOTECA MUNICIPAL CASTRILLÓN: máximo 20 visitas
• BIBLIOTECA MUNICIPAL FÓRUM METROPOLITANO: máximo 20 visitas
• BIBLIOTECA MUNICIPAL DURÁN LORIGA: máximo 20 visitas
• BIBLIOTECA MUNICIPAL MONTE ALTO: máximo 20 visitas
• BIBLIOTECA MUNICIPAL ROSALES: máximo 30 visitas
• BIBLIOTECA MUNICIPAL SAGRADA FAMILIA: máximo 20 visitas

CONDICIÓNS DO PROGRAMA

1. Unha vez asignada a visita, o profesorado comprométese a manter coa biblioteca os contactos necesarios para a súa preparación e a realizar co seu alumnado, no centro escolar, as actividades previas que se especifiquen para cada visita. Estes contactos serán entre a bibliotecaria municipal da biblioteca asignada e a persoa que vaia acompañar o alumnado á visita. Se despois de realizada a reunión inicial de preparación, se producise algún cambio con respecto á persoa acompañante, o centro deberá comunicarllo á biblioteca e a nova persoa acompañante deberá poñerse en contacto coa súa bibliotecaria de referencia para recibir as explicacións necesarias que garantan o mellor aproveitamento da actividade.

2. Coa finalidade de poder avaliar e mellorar o programa o profesorado deberá cubrir unha enquisa ao finalizar a visita.

3. A participación na visita inclúe a necesidade dunha actividade previa que o profesorado deberá realizar coas súas alumnas e alumnos na biblioteca escolar do centro. Unha vez asignada a visita, a bibliotecaria municipal comunicaralle á/ao mestra/o o tipo de acción para realizar. Serán propostas sinxelas como:

• unha procura de libros sobre unha determinada temática que deberán traer á biblioteca e presentalos o día da visita;
• a realización dun vídeo sinxelo, unha fotografía, unha breve presentación, unha carta etc. na que se presente a biblioteca escolar ou se destaque algún aspecto singular dela: mobiliario, actividades, espazos, organización etc.

4. As bibliotecas realizarán un número máximo de visitas por curso escolar. No caso de que o número de solicitudes sexa superior ao número de visitas ofertadas, a biblioteca valorará que solicitudes serán finalmente aceptadas atendendo aos seguintes criterios:

• dar cobertura aos seus centros escolares de referencia de maneira prioritaria;
• buscar un equilibrio entre o número de visitas solicitadas e o número de centros escolares que realizan a demanda;
• satisfacer a demanda das solicitudes dos diferentes niveis (EI e EP) dunha maneira equilibrada.

5. Para a aceptación das solicitudes tamén se terá en conta se en cursos anteriores os centros escolares respectaron os compromisos recollidos nos puntos 1, 2 e 3.

6. As visitas asignaranse á biblioteca de referencia.

7. Unha vez presentada a solicitude, calquera aclaración ou información solicitaráselle á coordinadora do Programa de Visitas no Servizo Municipal de Bibliotecas:

• Elena Pernas Lázaro
• e.pernas@coruna.gal
• Teléf.: 981 184 384

8. Unha vez asignada a visita a unha biblioteca determinada, os contactos serán coa persoa responsable do servizo ás escolas desa biblioteca.

9. O transporte, se fose necesario, correrá a cargo do centro educativo.