Taxas

MATRÍCULA:

MATRÍCULA	TARIFA
XERAL	71,61 €

A taxa de matrícula unicamente ten carácter de reembolsable nos seguintes casos:

- que se aboou por erro. Pódendo acoller á exención por irmáns menores de 18 anos e empadroados no Concello da Coruña.

- ou que por causas imputables á Escola Municipal de Música, se o centro non puidese ofrecer o servizo.

Para proceder á súa devolución, é necesario cubrir o seguinte documento: Instancia Xeral, no que é necesario indicar:

- o motivo que xera a dita solicitude.

- IBAN completo onde se quere recibir o ingreso do importe correspondente.

- achegar o xustificante do ingreso de matrícula.

Como calquera trámite administrativo co centro, pódese realizar de forma presencial, ou ben a través da Sede electrónica do Consorcio para A Promoción da Música.

MENSUALIDADES:

MENSUALIDADES	ESPECIALIDADES	TARIFAS
MÚSICA E MOVEMENTO 2 horas/semana	Sen práctica instrumental	45,58 €
	Con práctica instrumental* 3 horas/semana	57,76 €
XERAL 3 horas/semana	Linguaxe musical, agrupación e instrumento	58,32 €
TALLERES 1 hora/semana	Talleres durante o curso	25,44 €

* Unicamente poderán elixir instrumento os/as alumnos/as que formalicen a súa matrícula interna e cumpran 6 ou 7 anos antes do 31 de decembro de 2024.

Consulta a ORDENANZA MUNICIPAL DE TAXAS DA ESCOLA MUNICIPAL DE MÚSICA

EXENCIÓN DE MATRÍCULA E REDUCIÓN DE TAXAS:

Exención de matrícula:

Aquelas irmás ou irmáns menores de 18 anos e empadroados no Concello da Coruña aboarán unha soa matrícula de 71,61 euros.

Redución de taxas:

A quen vai dirixido: alumnado menor de 18 anos ou persoas xubiladas, empadroados no Concello da Coruña, con ingresos anulares netos menores de 3.971 € por cada membro da unidade familiar.

Soamente se aplicarán ao plan de estudos ata 3 horas á semana.

Taxas reducidas:

• Matrícula: 30,90 €
• Mensualidades (ata 3 módulos semanais): 30,90 €
• Mensualidades (máis de 3 módulos semanais): 51,50 €

Documentación para entregar:

• Instancia de solicitude xeral
• Libro de familia: copia das follas de todos os membros da unidade familiar.
• Certificación da Axencia Tributaria ou declaración da Renda das rendas de todos os membros da unidade familiar no ano 2022 (tanto se é conxunta como individual) ou da exención de presentala.
• Certificado de empadroamento de todos os membros da unidade familiar que vivan no domicilio do/a alumno/a. No caso de que o/a alumno/a non estea empadroado/a no domicilio dos seus pais, deberanse acreditar documentalmente as razóns desta situación, e esixirase a presentación de certificacións da Axencia Tributaria segundo o caso concreto.

Nos casos de situacións familiares distintas das expostas, ou de dubidosa concreción, poderase solicitar documentación complementaria.

Estes documentos que se solicitan teñen que ser orixinais, e en ningún caso poden ser substituídos por copias.

Períodos de entrega da documentación:

• Alumnado matriculado antes do 1 de setembro: prazo ata o 20 de setembro
• Alumnado matriculado a partir do 1 de setembro: dúas semanas que se contarán desde a data de entrega da matrícula.

A documentación haberá que entregala de forma presencial nas oficinas da Escola Municipal de Música ou ben a través da Sede electrónica do Consorcio.

Como presentar a documentación:

- de forma presencial nas oficinas da Escola: xunto coa documentación requirida, é necesario traer debidamente cuberta a instancia de solicitude correspondente. Deixámosvos aquí a ligazón: DESCARGAR.

- ou ben por Sede electrónica do Consorcio. Neste caso o trámite para realizar electronicamente está catalogado como "Instancia Xeral (Escola Municipal de Música)". Lembrade que é imprescindible achegar a documentación necesaria para a solicitude de redución de taxas.

Nota importante:

Unha vez que se presente toda a documentación e sexa examinada polo órgano competente do Consorcio para a Promoción da Música, procederase á comunicación da concesión ou desistimento dela.

Tras a resolución e comunicación da aceptación da reducción de taxas, devolveranse as cantidades aboadas de máis, ata a data, e será de aplicación no seguinte recibo bancario.