ALUMNADO INTERNO - CURSO 2025-26:

DATAS DE MATRÍCULA (para todas as áreas)

Do 28 de abril ao 9 de maio.

Nota: enviarásevos un correo electrónico con antelación para avisarvos do proceso de matrícula, xunto coa ligazón para cubrir o formulario e as instrucións necesarias.

HORARIOS DE MÚSICA E MOVEMENTO:

Poderedes escoller 2 horas á semana dos seguintes horarios: de luns a xoves das 16.30 ás 17.30 h, das 17.30 ás 18.30 h e das 18.30 ás 19.30 horas.

Para aquelas persoas que queirades solicitar práctica instrumental (alumnos/as que cumpran 6 ou 7 anos antes do 31-12-2025), o criterio de adxudicación para o curso 2025-2026 será: no sorteo realizado o día 26 de marzo no centro, saíu a letra "X". que se terá en conta no primeiro apelido, e iranse adxudicando as prazas por orde alfabética.

HORARIOS DE ÁREA XERAL:

Coma outros anos, teremos as dúas opcións dispoñibles:

- Opción 1: (de luns a xoves)

• Linguaxe: luns. Horas: 15.30, 16.30, 17.30, 18.30 ou 19.30 h
• Instrumento: martes ou mércores. Horas: 15.30, 16.30, 17.30, 18.30 ou 19.30 h
• Agrupación: xoves. Horas: 16.30, 17.30, 18.30, 19.30 ou 20.30 h

- Opción 2: (só para os venres)

• As tres materias (linguaxe, instrumento e agrupación) daranse o venres dende as 15.30 ás 19.30 horas.
• * Unicamente haberá algúns instrumentos dispoñibles. Recomendamos consultar na sección: Información xeral > Áreas de estudos